Saturday , November 17 2018
Breaking News
You are here: Home / Showbiz / Coco, sinuportahan sina Aga at Bea; malalaking artista, dumagsa
Coco, sinuportahan sina Aga at Bea; malalaking artista, dumagsa

Coco, sinuportahan sina Aga at Bea; malalaking artista, dumagsa

PINAGHANDAAN ng SM Megamall Cinema 1 ang premiere night ng pelikulang First Love nina Aga Muhlach at Bea Alonzo handog ng Ten17 Productions, Viva Films, at Star Cinema dahil sobrang bango sa loob ng sinehan. Ilang boteng pabango kaya ang ini-spray para mapabango ang napakalaking venue na ito?

Sa Cinema 7 kasi kadalasang isinasagawa ang premiere night ng mga pelikula at hindi naman ganito kabango at higit sa lahat, hindi rin magaganda ang mga upuan dahil may mga sira lalo na sa De Luxe section.

Inisip namin na malalaking artista kasi ang dadalo sa First Love premiere night sa pangunguna nina Bea at Aga.  Lalo na ang aktor na madalang gumawa ng pelikula. (Ganyan din ang ginawa nila saTres na pinagbidahan ng magkakapatid na Jolo, Luigi, at Bryan Revilla)

READ MORE:  Bea Alonzo ‘di makapaniwalang makatatambal si Aga sa “First Love”

Anyway, ang saya-saya ng supporters sa rami ng mga sikat na artistang nakita nila’t pinagkukunan nila ng litrato kaya naman ang sangkaterbang ABS-CBN marshalls ay maagap na hindi makalapit ang mga nagkakagulong fans sa red carpet.

Bukod kina Aga at Bea na lumakad sa red carpet ay naroon din ang pamilya ng aktor na sina Charlene Gonzalez, Atasha, at Andres Muhlach, ang mag-asawang direk Paul at Toni Gonzaga-SorianoZanjoe Marudo, mag-asawang Sarah Lahbati at Richard GutierrezMaymay Entrata, Edward Barbers, Albie Casino, ang Los Bastardos cast na sina Diego Loyzaga, Jake Cuenca, Joshua Colet, Gerard Anderson, Claudine Barretto, at Coco Martin na ikinagulat ng lahat dahil nagkaroon siya ng libreng oras para sa First Love premiere.

READ MORE:  Wattpad serye nina Ella at Bret sa TV5, may kilig sa fans

Sabay dumating ang mag-dyowang Bea at Gerard pero pinaunang pumasok ang aktor dahil sasabay ang aktres kina Aga at direk Paul papasok sa loob.

Narinig namin ang mga pangalan ng ABS-CBN at Star Cinema executives na sina Olive ‘Inang’ Lamasan, Malou N. Santos, Enrico CSantos, Dreamscape Business unit head, Deo T. Endrinal, Biboy Arboleda at marami pang iba.

Ang ever loyal supporters ni Bea ay present din with matching banners kaya naman abot-abot ang pasalamat sa kanila ng aktres pati na rin ang taga-Star Cinema.

READ MORE:  Posibleng magkagustuhan, sakaling parehong single

Sabi nga ni direk Paul, sobrang ganda ng Vancouver kaya pala madalas itong gamiting backdraft ng Hollywood movies at noong naroon sila ay may kasabay silang anim na pelikulang doon din ang shooting.

Palabas na kahapon, Oktubre 17 ang First Love sa maraming sinehan at mas magandang panoorin ito para mas lalong maintindihan kung bakit ito ang napiling titulo ni direk Paul.  Kakaiba ang role ni Albie na hindi namin inakalang tatanggapin niya at si Edward naman ang taong tinutulungan ni Nick (Aga) dahil may atraso siya sa magulang nito na ginagampanan ni G Toengi as Vicky.

FACT SHEET
ni Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved