Thursday , September 23 2021

Killer ng 9-anyos stepdaughter arestado

ARESTADO sa mga operatiba ng Quezon City Police District (QCPD) Batasan Police Station 6, ang lalaking hinihinalang pumatay sa kanyang 9-anyos stepdaughter sa Brgy. Payatas, Quezon City, kahapon umaga.
Sa ulat ni Supt. Joel Villanueva, hepe ng Batasan PS 6, dinakip si Mark Christian Cayetano, 24, construction worker at residente sa 23 Luzon St., Brgy. Payatas B sa nasabing lungsod, makaraang iturong pumatay kay Michaella Bernardino, 9 anyos, Grade 4 pupil, at residente sa 78 Visayas St., Phase 4, Lupang Pangako, Brgy. Payatas B.
Ayon kay Villanueva, dakong 9:30 am kamakalawa nang matagpuan ang bangkay ng biktima sa tambak ng mga basura sa isang bakanteng lote sa Phase 3, Block 7, Lupang Pangako, Payatas B.
Iihi sana sa lugar ang 12-anyos na si Jasmin Saguno, residente ng naturang lugar, nang mapuna na may bahagi ng katawan ng tao, na tinabunan ng mga bato sa lugar
Dinakip si Cayetano makaraan ituro ng isang testigo na siya ang nakitang huling kasama ng biktima bago matagpuang patay.
Mahigpit na itinanggi ni Cayetano ang akusasyon.
(ALMAR DANGUILAN)

About Almar Danguilan

Check Also

Doktora sa Abra niratrat patay sa atake sa puso

SUGATAN ang isang doktor, ngunit binawian ng buhay kalaunan nang atakehin sa puso, matapos pagbabarilin …

Leave a Reply

Your email address will not be published. Required fields are marked *