Thursday , April 25 2019
Breaking News
You are here: Home / Showbiz / Nakababatang kapatid ni Bong, Sharonian
Nakababatang kapatid ni Bong, Sharonian

Nakababatang kapatid ni Bong, Sharonian

SHARONIAN pala si Ms Andeng Ynares kaya hindi niya pinalampas na hindi mapanood ang My 40 Years concert ni Sharon Cuneta nitong Biyernes sa Smart Araneta Coliseum kasama ang mga kaibigan.

Nakita kami ng tita nina Bryan, Luigi, at Jolo Revilla habang papunta siya sa ladies room at niyakag kami sabay tanong, “Sharonian ka ba? Alam mo ba, pelikula lang ni Sharon ang pinanonood ko simula bata ako?”

Walang pelikula, concerts o television shows ni Sharon na hindi pinanonood ng wifey ni Antipolo City Mayor Junjun Ynares dahil gustong-gusto niya ang Megastar.

Mukha naman dahil may napanood kaming video na nagdiwang ng kaarawan niya si Ms Andeng noong 2009 at isinabay ang selebrasyon para sa mga kababayan nila sa Rizal noong gobernador pa ang asawa.

Kinanta nito ang Pangako Sa ‘Yo at nag-dueto naman silang mag-asawa sa Kahit Maputi na ang Buhok Ko at Ikaw Lang Ang Aking Mahal.

Anyway, punong abala naman si Ms Andeng sa promo ng pelikulang Tres na action trilogy na pinagbibidahan ng mga pamangkin niyang sina Bryan(Virgo), Luigi (Amats), at Jolo (72 Hours) kasama niya ang kuya Marlon Bautista na laging kinukulit ni Senator Bong Revilla tungkol sa pelikula.

Sa Oktubre 10 naman mapapanood ang Tres kasama sina Rhian Ramos, Myrtle Sarossa, at Assunta de Rossi na produced ng Imus Productions at ire-release ng Cine Screen under Star Music.

Kagabi, Setyembre 30 naman ginanap ang premiere night ng Tres sa SM Megamall Cinema 7.

FACT SHEET
ni Reggee Bonoan


Nakababatang kapatid ni Bong, Sharonian
Nakababatang kapatid ni Bong, Sharonian

About Reggee Bonoan

Leave a Reply

Your email address will not be published. Required fields are marked *

*

Scroll To Top