Hindi ako ang third party — Maja

SA guesting nina Carlo Aquino at Angelica Panganiban sa Gan­dang Gabi Vice kamakailan, para sa promo ng movie nilang Exes Baggage, sinabi ng huli na naging gilfriend din ng una si Maja Salvador.

Pero hiwalay na raw naman sila noong nagkarelasyon ang dalawa (Carlo-Maja).

Sa rebelasyon na ‘yun  ni Angelica, naging dahilan ‘yun para ma-bash si Maja ng mga fan nila ni Carlo. May ilang nagsabi, na laging naninira ng relasyon si Maja, na gaya raw ng ginawa nito sa rating magkarelasyon na sina Gerald Anderson at Kim Chiu.

Si Maja nga rin daw ang third party sa hiwalayan nina Angelica at Carlo, kahit pa sinabi na nga ni Angelica na break na sila ni Carlo, noong manligaw at nakarelasyon nito si Maja.

Sa panayam ng Pep,ph kay Maja, idinenay nito na siya ang dahilan ng hiwalayan nina Carlo at Angelica.

“Hindi ako third party, kasi bago nanligaw sa akin si Carlo, ang dami pang girls noon bago pa siya nanligaw sa akin,” sabi ni Maja.

Dagdag pa ni Maja, kung siya ang third party, sana ay naapektuhan ang friendship nila ni Angelica, pero hanggang ngayon ay magkaibigan pa rin sila.

“At saka kung ako ang third party, kilala natin si Angelica, ‘di dapat dati pa lang inaaway-away niya ako. Very open siya, eh. Nagsasalita naman ‘yun palagi. Sabi ko nga, may mga interview talaga na dire-diretso, hindi mo na maiisip ang sentence mo because of the question.”

Nakiusap si Maja sa netizens, lalo na sa mga tagahanga nina Carlo at Angel, na tigilan na siya sa pamba-bash.

“Walang dapat i-bash kasi napakatagal na panahon na ‘yun,” aniya pa.

Speaking of Carlo and Angelica, feeling nasa heaven ang pakiramdam ngayon ng dalawa, dahil ang pelikula nilang Exes Baggage ay isang blockbuster.

At sa katatapos lang na ABS-CBN Ball na ginanap noong Sabado sa Shangri-La, Makati ay sila ang hinirang bilang Star of the Night. O, ‘di ba, sunod-sunod ang magandang nangyayari  ngayon sa dalawa.

MA at PA
ni Rommel Placente