HATAW! D'yaryo ng Bayan hatawtabloid.com
MAPANGGULAT na pala ngayon itong si Gabby Concepcion.
Kundi pa dahil sa promo interviews sa kanya para sa partisipasyon n’ya sa Gabay Guro project ng PLDT-Smart ‘di mapapabalitang may ginagawa pala silang pelikula ni Jodi Sta. Maria na posibleng maging entry sa darating na Metro Manila Film Festival.
Nakagugulat ‘yon, ‘di ba?
Man and Wife ang titulo ng pelikula, at baka nga mapasali ito sa MMFF 2018 dahil ang prestigious na direktor na si Laurice Guillen ang namamahala sa pelikula.
Hindi nabanggit sa interbyu sa ex-husband ni Sharon Cuneta kung ano ang istorya ng Man and Wife at kung sino-sino pa ang artista roon.
Ang nabanggit ay ang ‘di naman n’ya tahasang pagtanggi sa inasahan ng Megastar na reunion film nila pagkatapos ng pinagkaguluhang special Valentine commercial nila para sa MacDonald nitong nakaraang February.
Umasa ang Megastar na makagagawa sila ng pelikula sa Star Cinema pero ‘di sumipot si Gabby o kung sino mang manager n’ya o business representative n’ya. Si Sharon lang ang post nang post sa Instagram n’ya tungkol sa scheduled meetings nila with Star Cinema executives.
Walang lumabas ni isang Instagram post mula kay Gabby tungkol sa mga meeting na ‘yon.
Pero biglang may tsika nga siya tungkol doon. Nakagugulat na pahayag ni Gabby, “Timing is everything… I never said no to the project. There are many factors to consider. I hope we can make the movie happen. We have been waiting for that.”
Inamin naman ng ama ni KC Concepcion na, “We don’t talk right now, but we will be once we get things together. I’d like to do that movie. There’s a possibility that it will happen. May bukas pa…”
Umaasa pa pala siya!
Pero alam n’yo na sigurong ang ipino-promote na ni Sharon on her own ay ang balik-tambalan nila ni Richard Gomez. Sa latest chika ni Sha, kasama nila sa pelikula si Kathryn Bernardo.
KITANG-KITA KO
ni Danny Vibas
