Wednesday , December 19 2018
Breaking News
You are here: Home / News / 107 katao nalason sa feeding program

107 katao nalason sa feeding program

Hataw Frontpage 107 katao nalason sa feeding program Sa Muntinlupa

Hataw Frontpage 107 katao nalason sa feeding program Sa Muntinlupa

AABOT sa mahigit 107 katao, kara­mihan ay mga bata, ang sinasabing nala­son sa pagkain sa feeding pro­gram ng isang pribadong eskuwe­lahan para sa mahihirap na pamilya sa Muntinlupa City, kamakalawa.

Agad nagtungo si Mayor Jaime Fresnedi sa Ospital ng Muntinlupa (OsMun) upang personal na pangasiwaan ang pagkalinga at pagbibigay ng libreng gamutan sa mga pasyenteng naging biktima ng food poi­soning.

READ MORE:  Muntinlupa City named 2018 Most Business Friendly LGU

Naging katulong ni Fresnedi sa pag-aasikaso sa mga pasyente si Dr. Edwin Dimatatac, ang director ng OsMun.

May 98 pasyente ang naitalang isinugod sa OsMun ng nagrespon­deng rescue team at ambulansiya mula sa iba’t ibang barangay sa Muntinlupa, ang ibang biktima ay pinauwi ma­karaan malapatan ng lunas, habang ang iba pa ay under observation sa pagamutan.

Ilan sa matatanda na nagpasyang sa bahay na lamang magpagaling ang binigyan ng medical treatment ng mga tauhan ng lokal na pamahalaan.

READ MORE:  8-anyos nene niluray ng kapitbahay

Sa inisyal na imbes­tigasyon ng pulisya, dakong 10:00 am noong Sabado ay nagsagawa ng feeding program ang pamunuan ng De La Salle Santiago Zobel School sa Ayala Alabang, sa indi­gent families na nakatira sa Southville 3, NHA, Makabuhay Extention, NBP reservation com­pound, Brgy. Poblacion, Muntinlupa.

Sa naturang feeding program ay kumain sila ng kanin, nilagang itlog, giniling na baboy at saging ngunit pagsapit ng 6:30 pm ang mga biktima ay nakaranas ng pagkahilo, pananakit ng tiyan at pagsusuka.

READ MORE:  Ilegal na imprenta ng libro sinalakay

Dito na humingi ng tulong ang mga residente sa kanilang opisyal ng barangay na dagliang umaksiyon at tumawag ng rescue team para dal­hin sa pagamutan ang mga biktima.

Samantala, inaalam ni Dr. Juancho Bunyi, acting health officer ng Mun­tinlupa, ang posibleng naging dahilan ng uma­no’y pagkalason ng mga biktima, habang hindi pa nagbibigay ng pahayag ang pamunuan ng nasa­bing esku­wela­han.

ni MANNY ALCALA/JAJA GARCIA

COMMENTS

About MANNY ALCALA / JAJA GARCIA

Scroll To Top
 

Copyright hatawtabloid.com | All Rights Reserved