Wednesday , April 24 2019
Breaking News
You are here: Home / Showbiz / Gay comedian, feeling VIP
Gay comedian, feeling VIP

Gay comedian, feeling VIP

IPINAGPAPASALAMAT ng isang grupo ng mga baklang show promoter ang pagiging abala na ngayon ng isang gay comedian sa ibang larangan.

Isinusumpa kasi nito ang umano’y masamang ugali niya nang minsang karayin nila ito sa isang show sa Japan gayong hindi naman siya ang bida sa natanguan nilang raket.

“Juice colored, never again!” korus na tili ng grupo na nadala na nang isama nila ang komedyanteng bayot.

“Imadyin, sabit lang naman siya sa show pero kung makaasta, eh, feeling niya, siya ang main attraction. Sa coaster pa lang, alam naman niyang nagsiksikan na kami sa loob, ang banat ba naman ng fotah, eh, saan daw siya uupo?” kuwento ng isa sa mga bakla.

Sa imbiyerna raw ng grupo ay sinadya nilang iwan ito nang minsang gumala sila. Ikinagalit ‘yon ng baklang komedyante nang magkita-kita sila sa wakas.

“Talagang nagpuputok ang butse niya, kesyo bakit daw namin siya iniwang mag-isa, eh, hindi raw niya alam ang pasikot-sikot sa bansa na ‘yon? Hmp! Mula noon, itinaga na namin sa bato na never na namin siya isasama sa mga biyahe!” naghihimutok ding sey ng mga bayot.

Da who ang feeling VIP na gay comedian? Itago na lang natin siya sa alyas na Ronnel Igado.

(Ronnie Carrasco III)

About Ronnie Carrasco III

Leave a Reply

Your email address will not be published. Required fields are marked *

*

Scroll To Top