Tuesday , March 19 2024

Walang patawad na oil companies

WALANG patawad talaga ang mga oil company at nagawa pa talagang magtaas na naman ng presyo ng kanilang mga produktong petrolyo sa kabila na alam nila na dumaraan sa matinding pagsubok ang bansa dahil sa tindi ng epekto ng bag­yong Ompong.

Kahapon ay nag-anunsiyo ang mga kompanya ng langis na kanilang itataas ang presyo ng gasolina nang 50 sentimo kada litro habang 15 sentimo naman sa diesel at 20 sentimo sa gaas. Nagpasintabi naman ang ilang kompanya na walang pagtaas ng presyo ng mga produkto sa mga lugar na lubos na tinamaan ng bagyo.

Aba! Nakonsensiya pa pala nang kaunti ang mga gahamang oil companies na ‘yan?  At tila gusto pang patanawin sa kanila ng utang na loob ang mga mamamayan na nasa mga lugar na matinding naapektohan ng bagyo dahil hindi sila isinama sa maaapektohan ng pagtaas ng singil.

Sa totoo lang, nakapag-iinit ng ulo ang kawalan ng kon­siderasyon ng malalaking kompanya ng langis. Wala talagang inisip kundi ang makapagkamal ng tubo sa kanilang negosyo kahit alam nilang dumaraan sa matinding sitwasyon ang mamamayan. Sabagay, ganyan naman talaga sila noon pa man, ang pagsamantalahan ang mamamayan sa gitna ng kanilang masalimuot na kalagayan — ‘yung panahon na mas mataas ang demand sa langis para mapatakbo ang maraming bagay tungo sa recovery.

Dapat ay makita ng pamahalaan kung gaano kagahaman ang oil companies na ‘yan at gawan ng paraan para masuheto ang mga walang budhing mga negosyante na ang tanging inaatupag ay makapagkamal nang mas malaking tubo mula sa mga naghihikahos na mamamayan.

About hataw tabloid

Check Also

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Dragon Lady Amor Virata

Surot, surot at surot pa…

Isumbong mokay DRAGON LADYni Amor Virata MAPUPULANG pantal at ubod nang kating naranasan ng ilang …

Sipat Mat Vicencio

Sobrang epal ni Bong Revilla

SIPATni Mat Vicencio DAHIL na rin sa mga kapalpakang ginagawa ni Senator Ramon “Bong” Revilla, …

Leave a Reply

Your email address will not be published. Required fields are marked *