Categories: Showbiz

The Hows of Us, record holder, inilampaso ang mga pelikulang Ingles

Share

NGAYON lang nangyari na inilampasong muli sa kita ng isang pelikulang Filipino ang mga palabas na pelikulang Ingles. Maliwanag din sa mga lumalabas na reports, at ka­tu­nayan na sila ay palabas sa mahigit na 400 sinehan, na ang pelikula ng KathNiel ang siyang pinakamalaking pelikula sa taong ito, taob pati ang mga pelikulang dayuhan. Sa “actual gross”, hindi roon sa mga “press releases” lamang, iyang pelikulang iyan ngayon ang record holder ng industriya mula sa simula.

Ibig sabihin, kung ang pagbabatayan ay ang dami ng taong nanood, na base sa kinita ng pelikula. Mahirap mo kasing ikompara iyong kita lamang dahil isipin naman ninyo, mahigit na P200 na ang sine ngayon kung ikukompara ninyo sa P26 lang na bayad sa sinehan noon. Kaya kinukuwenta base sa bilang ng pumasok sa sinehan, na magagawa naman dahil alam kung magkano ang ibinayad ng bawat isa. Aba eh masasabing tinalbugan na nga ng KathNiel maski ang noon ay sinasabing hit na Guy and Pip, at maging ang pelikula nina Sharon Cuneta at Robin Padilla na siyang record holder bago itong The Hows of Us.

Pinirata pa iyang The Hows of Us. Nakakita na kami ng kopya sa Quiapo. Mayroon na ring naglo-load ng pelikula sa USB. Pero sa kabila ng pamimirata, pumapasok pa rin ang mga tao sa sinehan. Basta kasi gusto nila ang pelikula, gusto nilang mapanood iyon nang mahusay. Hindi sila makukuntento lang sa malabong pirated copy. Nakaaapekto lang ang piracy kung hindi naman talaga gusto ng tao ang pelikula at ok na kahit sa pirated mapanood lang. Kahit nga sa Facebook may pirated copies ng pelikula eh.

Pero ang nangyari kasi, nang mapanood nila sa Facebook, aba eh lalo nilang naisip na kailangan nilang panoorin ang pelikula ng KathNiel sa sinehan.

Nasaan na ngayon ang sinasabi nilang krisis sa industriya? Iyong krisis pala kung ganoon ay gawa lang din ng mga film makers na hindi marunong gumawa ng kumikitang pelikula.

HATAWAN
ni Ed de Leon


John Lloyd, ‘di na naglalasing
Ed de Leon

Published by
Ed de Leon

Recent Posts

Ken at Rita, muling magsasama sa isang teleserye

MAY upcoming GMA primetime series na pala ang trending loveteam na RitKen o ang tambalang Rita Daniela at Ken Chan na sumikat bilang BobRey sa hit teleseryeng My Special… Read More

3 hours ago

Osang, ‘mabenta’ sa Pista ng Pelikulang Pilipino

ANG tarush ni Rosanna Roces dahil kung hindi niya tinanggihan si Sue Ramirez bilang anak niya sa The Cuddle Weather,… Read More

3 hours ago

Boy 2 at Neil, abala sa limang pelikulang ipo-prodyus

SA huling panayam namin kay Neil Arce sa ginanap na #PPPGrandLaunch2019 ay inamin nitong marami silang pelikulang naka-line up ni… Read More

3 hours ago

Gilas, lalong nagpalakas… Clarkson isinali sa pool

WALA mang kasigu­rado­han sa ngayon, sumugal pa rin ang Gilas Pilipinas nang isali sa pinakabago at pinalaking training pool ang… Read More

3 hours ago

Manila Zoo hindi namin ibebenta — Mayor Isko

BUKOD sa pagpunta sa Rizal Park, o Luneta, ang pinakamurang paraan ng pamamasyal at mapalapit sa kalikasan ay pagdalaw sa… Read More

3 hours ago

Misquoted lang… Manang Cristy Fermin at bashers ni Luis Manzano parehong epal

NAPAKATALINGHARAP talaga ni Manang Cristy Fermin na close pa naman kay Congw. Vilma Santos pero kung tirahin ang anak ni… Read More

3 hours ago