Friday , March 29 2024
CJ Perez Robert Bolick San Beda Lyceum NCAA
CJ Perez Robert Bolick San Beda Lyceum NCAA

Red Lions, Pirates lalong bumangis

NAGPAKITA ng bangis ang defending champion San Beda University Red Lions at Lyceum of the Philip­pines Pirates matapos magtala ng magkahiwalay na panalo sa simula ng second round ng 94th NCAA basketball tournament sa FilOil Flying V Center, San Juan City.

Wala pa rin dungis ang karta ng last year’s runner-up Pirates, kinaldag nila ang San Sebastian College, 88-70 sa unang sultada habang sinakmal ng Red Lions ang 73-45 panalo kontra Jose rizal University sa pangalawang laro upang tumibay ang kapit sa second spot ng team standings.

Kumayod si reigning Most Valuable Player, (MVP) CJ Perez, nakipagtulungan sa magkapatid na sina Jaycee at Jayvee Marcelino upang akbayan ang Pirates sa panalo at ilista ang 10-0 record.

Tumikada si Perez ng 21 puntos, siyam na rebounds at limang steals habang bumakas sina Jaycee at Jayvee ng 17 at 14 markers ayon sa pagka­kasunod para sa Intramuros-based squad Lyceum.

“Big win for us because before this game, we reminded ourselves that this team is playing like a Final Four team even though they’re at 10th,” hayag ni LPU coach Topex Robinson.

Kumana si Michael Calisaan ng 17 puntos  at 11 rebounds para sa Gol­­den Stags na nalasap ang pang-siyam na talo sa 10 laro.

Samantala, namuno sa opensa para sa Red Lions si skipper Robert Bolick, tumarak ng 14 markers para ipinta ang 9-1 card.

May 2-8 baraha ang Heavy Bombers na pinamunuan ni Jed Men­doza matapos tumipa ng 13 puntos.

(ARABELA PRINCESS DAWA)

About Arabela Princess Dawa

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *