Categories: Sports

Guiao alanganin pa sa NT head coaching job

Share

PAGTAKBO sa Kongreso o pagtanggap ng posisyon bilang permanenteng head coach ng national team?

Iyan ngayon ang mabigat na desisyong kailangang pagpilian ni Guiao sa oras na pormal na mabigyan ng alok ng Samahang Basketbol ng Pilipinas (SBP) na manatili sa pambansang kopo­nan.

Sa ngayon, pansamantala pa lang ang posisyon ni Guiao bilang kapalit ng orihinal na punong-gabay na si Chot Reyes na nakatakdang magsilbi ng isang larong suspensiyon sa pagsisimula ng ikalawang round ng 2019 FIBA World Cup Asian Qualifiers sa susunod na linggo.

“It will affect ‘yung pre­vious plans na I feel, importante rin sa career at buhay din natin,” sagot ni Guiao sa naturang posibilidad na malagay bilang permanenteng head coach ng pambansang koponan.

Noong nakaraang Linggo ng gabi, inamin ni SBP chairman emeritus at national team pa­tron na si Manny V. Pangilinan na tinitingnan ng SBP na ilagay na si Guiao sa naturang national team program kapalit ni Reyes matapos ang kanyang magan­dang performance sa 18th Asian Games.

“Kasi I’m running for Congress. October is the filing for certificate of candidacy so once I file, I have to work there also. Kailangan ko rin mag­trabaho roon,” paglilinaw ni Guiao na dating kinatawan ng first district ng Pampanga.

Kasalukuyang nagsisilbi bilang head coach ng NLEX sa PBA si Guiao at pangarap din sa­nang magabayan ang natio­nal team katulad ng kahit sinong coach sa bansa.

“Any coach would love the position of national coach. ‘Yan ang pangarap ng lahat ng coaches and I’m one of them. Kung hindi lang na-set ‘yung mga ibang plano, I’ll grab that,” dagdag niya.

Sa ngayon, pananatilihin ni Guiao na bukas ang kanyang kampo sa anomang posibilidad ngunit idiniin na saka na siya tatawid sa tulay kung naalok na nang tuluyan ang naturang posisyon mula sa SBP.

“Hindi naman mangga­galing sa akin so I cannot really answer that question catego­rically. If SBP wants to make that announcement, I think they will in time. If there is anything official, it will have to come from them,” paliwanag ni Guiao.

“All I can say is for sure I’ll be handling this window. ‘Yung mga susunod after the 17th, after the Qatar game, it’s SBP that will make the announce­ment.”

Kasalukuyang nasa araw-araw na ensayo ang pamban­sang koponan bago ang pag-alis nila patungong Iran sa 10 Setyembre.

Dadalhin ng Filipinas ang 4-2 kartada sa first round sa krusyal na second round kontra sa Iran sa 13 Setyembre at sa Qatar sa 17 Setyembre.

ni John Bryan Ulanday

John Bryan Ulanday

Published by
John Bryan Ulanday

Recent Posts

Pagtatapos ng Los Bastardos, pinanghihinayangan

MARAMI ang nanghihi­-nayang da­hil matapos ang isang taon, matatapos na pala ang serye na nagtala ng pinakamataas na ratings sa… Read More

3 days ago

Marineros ni Direk Anthony, matino

“NAKALABINDALAWANG pelikula na akong nagawa,” sabi ng director na si Anthony Hernandez. Kahit na baguhan lang, makikita mo naman ang… Read More

3 days ago

Khalil, give-up na sa pagkanta

MAGANDA ang musical-romantic movie na LSS ng Globe Studios na pinagbibidahan nina Khalil Ramos at Gabbi Garcia na real life couple. Ayon sa dalawang bida, lalo… Read More

3 days ago

Final 6 ng Clique V, matatag, at ‘di mang-iiwan

HINDI natinag ng kanegahan ang all-male-group na Clique V. Naging matatag sila sa kabila ng mga pagsubok na dumating sa kanila nitong… Read More

3 days ago

Angel, ‘di nagpakabog kay Maricel

PINALAKPAKAN ang acting ni Angel Locsin sa death scene nina Maricel Soriano at Arjo Atayde sa The General’s Daughter. Hagulgol to the max si Angel habang… Read More

3 days ago

Pagpapatawa ni Empoy, ‘wa na epek

MUKHANG nasasapawan pa ng pag-iibigan nina Lorna Tolentino at Rowel Santiago ang leading stars na sina Coco Martin at Yassi Pressman sa FPJ’s Ang Probinsyano. Sabi nga, mukhang may… Read More

3 days ago