Categories: Opinion

PLDT subscribers hostage ni MVP

Share

MALAKING isyu ang defiance ni business tycoon Manuel V. Pangilinan sa utos ng Department of Labor and Employment (DOLE) na gawing regular ang libo-libong manggagawa ng Philippine Long Distance Telephone (PLDT) Company.

Tila walang takot si MVP na suwayin ang utos ni Secretary Bebot Bello. Dahil ba direkta ang konek niya kay Tatay Digong?

Kung ‘yung PLDT subscribers ay hirap na hirap makakonek sa telepono, sa internet at sa iba pang serbisyo ng telekomunikasyon, e si MVP, mukhang one-call away lang sa palasyo at kay Presidente Duterte.

Ayaw sana nating maniwala sa sapantahang ito pero sa nakikita nating kawalan ng aksiyon ng gobyerno sa pagiging stubborn ni MVP e mukhang ganoon na nga ang nangyayari.

Dahil ayaw gawing regular ni MVP ang mga contractual workers nila na karamihan ay technical staff, subscribers ang naho-hostage sa situwasyon.

Pero ang higit na nakaiinis dito, palpak na nga ang serbisyo dahil laging sira ang linya at ang intrernet nito, pero pagdating ng billing, buong-buo ang singil.

Wattafak!

Kung kayang magpalutang ng ideyang puwedeng lawakan ang sakop ng batas militar, bakit hindi ipairal sa PLDT?!

Ang telekomunikasyon ay isang vital services, kaya kung nakasasagabal na ang kawalan ng aksiyon ni MVP sa maraming tahanan at iba’t ibang industriya, bakit hindi umaksiyon ang gobyerno?!

Kung mananatiling bingi at matigas ang ulo ni MVP na gawing regular ang kanyang mga mang­ga­gawa para umayos ang serbisyo sa telekomunikasyon, bakit hindi i-takeover ng gobyerno?!

Diyan sana ipakita ng administrasyong Duterte, sa pamamagitan ng kanyang mga pangunahing ‘tenyente’ ang kanilang kakayahan at tapang na i-takeover ang delingkuwenteng management ng kompanya gaya ng PLDT.

Kawawa ang subscribers, hostage na hostage ni MVP dahil sa kanyang paglabag sa batas paggawa.

Wala pa bang gagawin ang DOLE at Department of Information and Communications Technology (DICT) para suhetohin si MVP?!

Nasaan ang terminal managers?!
MIAA GM ED MONREAL
MATAPANG NA HUMARAP
SA SENATE HEARING

WALA tayong masasabi sa pagiging general manager ng Manila Internationa Airport Autho­rity (MIAA) ni GM Ed Monreal.

Lalo itong napatunayan nitong nakaraang mabalaho ang Xiamen Airline sa runway ng Ninoy Aquino International Airport (NAIA).

Hindi umalis si GM Monreal hangga’t hindi naiaahon ang nasabing eroplano.

Kasama niya rito ang mga opisyal ng Civil Aviation Authority of the Philippines (CAAP).

Ganoon din sa pagharap sa Senate hearing.

Pero ang ipinagtataka natin, nasaan ang terminal managers?!

Ano ang naitulong nila sa insidenteng kinaharap ng NAIA?!

Supposedly, sila ang humaharap at nagko-coordinate sa iba’t ibang airlines at kung paano tutulungan ang mga pasahero sa kanilang mga panga­ngailangan.

Ang siste, basanta, este basta na lang nawala ang terminal managers…

At hanggang sa pagharap sa Senado, si GM Monreal pa rin ang kanilang ipinagisa?!

Pero hindi sila nagtagumpay.

Anyway, mukhang wake-up call na rin ito para kay GM Monreal.

Mukhang kailangan na niyang ‘sipain’ ang mga overstaying na terminal managers na kung hindi nagpapalaki ng ‘yagbols’ ay ‘nagpa­pala­pad’ ng balakang.

Mantakin ninyo, pagkatapos ng nasabing insidente, nakukuha pang ngumiti-ngiti at mag-display-display sa airport?!

GM Monreal, panahon na para palitan ng mga bata, innovative at hindi pakaang-kaang na managers ang mga terminal manager sa NAIA.

Subukan na po ninyong umpisahan…

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Published by
Jerry Yap

Recent Posts

Excitement ni Jimmy, sinalag ni Angel

ANO kaya ang pinagmulan ng galit o nag-trigger kay Jimmy Bondoc para mag-post siya ng tungkol sa isang malaking TV network na… Read More

13 hours ago

Nadine, maka-3-in a row kaya?

SA darating na 35th PMPC Star Awards For Movies na gaganapin sa June 2, 2019 sa Resorts World Manila, nominado si Nadine Lustre for Movie… Read More

13 hours ago

Aiko, back-to-back ang nominasyon

SI Aiko Melendez ay nominado rin sa Star Awards For Movies para sa Best Supporting Actress category para sa pelikulang Rainbow’s Sunset, na gumanap siya bilang isang… Read More

13 hours ago

Ms. Rhea Tan, umapaw ang ligaya sa idolong si Ms. Korina Sanchez

NAGPAHAYAG nang labis na ligaya ang CEO at President ng BeauteDerm na si Ms. Rhea Anicoche-Tan nang nakadaupang palad ang… Read More

13 hours ago

Dante Salamat, Best Public Service Awardee ng Gawad Pasado 2019

PINARANGALAN si Dante Salamat sa nakaraang Gawad Pasado 2019 bilang Best Public Service awardee 2019. Si Dante ay isang entrepreneur, coach mentor,… Read More

13 hours ago

10 movie icons pararangalan sa 3rd Eddys (Mga bayani sa likod ng kamera, kikilalanin sa ‘Parangal sa Sandaan’)

SAMPUNG nirerespeto at tinitingalang alagad ng sining ang bibigyang-parangal sa gaganaping 3rd EDDYS (Entertainment Editors’ Choice) ng Society of Philippine Entertainment Editors (SPEEd)… Read More

13 hours ago