Categories: Opinion

Krisis sa bigas

Share

ANG krisis sa bigas sa lungsod ng Zamboanga at sa mga lalawigan ng Basilan, Sulu at Tawi­tawi (Zambasulta) ay matinding babala sa kapalaran na maaari nating sapitin kung magtatagumpay ang mga economic manager sa kanilang mungkahi na umasa sa inangkat na bigas at bawasan ang paggasta sa programa ng gobyerno sa bigas sa Filipinas.

Ayon kay Agriculture Secretary Manny Piñol, ang mga lugar na nasasakupan ng Zambasulta ay umasa sa smuggled rice mula sa Vietnam at Thailand na idinaraan sa Sabah, Malaysia sa loob ng maraming taon at ibinebenta sa palengke sa mas mababang presyo kaysa commercial rice. Akalain ninyong ibinebenta ito sa halagang P29 sa mga isla at hindi bababa sa P35 sa Zamboanga City.

Natigil lang ito tatlong linggo na ang nakalilipas matapos makipagpulong kay President Duterte ang bagong namumuno sa Malaysia na si Prime Minister Mahathir Mohamad at magdesisyon na ipatigil ang ilegal na aktibidad sa mga border ng dalawang bansa.

Sa palagay ni Piñol ay nakatuon ang desisyon laban sa aktibidad ng mga terorista pero mabuti na lang at natigil din ang operasyon ng smuggling bunga nito. Ang problema ay nagtaasan ang presyo ng bigas sa Zambasulta kaya biglang hinanap ng mga mamimili ang bigas mula sa National Food Authority (NFA) na dati nilang binabalewala.

Para kay Piñol, kung aasa sa inangkat na bigas at babawasan ang paggastos ng gobyerno sa rice program ay maitataboy ang mga magsasaka palayo sa kanilang taniman. Baka mag-iba na lang sila ng itatanim o ipaupa ang kanilang mga lupa.

Ang dami ng bigas na ibinebenta sa world market taon-taon ay hindi kukulangin sa 40 million metric tons. Dahil may banta ng climate change, ang bigas na magmumula sa ibang bansa ay maaaring maapektohan ng El Niño o mga pagbaha. Kapag nangyari ito ay puwedeng mabawasan ang dami ng bigas na ipadadala nila. Kahit na may pera tayo ay mahihirapan tayo kung walang mabibiling bigas sa world market.

Tulad ng Filipinas, lumalaki ang populasyon ng mga bansang nag-aangkat ng bigas. Darating daw ang panahon na ang pangangailangan ng sarili nilang mamamayan ang pipigil sa kanila na makapag-export ng bigas.

Nais ng Department of Agriculture na mapalakas ang produksiyon natin ng bigas upang makapag-supply na rin ng bilang ng aangkatin natin mula sa ibang bansa kung kakailanganin para maprotektahan ang ating palengke sa manipulasyon ng rice traders.

Sang-ayon ang Firing Line kay Piñol na hindi tayo dapat umasa sa inangkat na bigas dahil baka balang-araw ay maging alipin tayo at sunud-sunuran sa pagsasamantala ng mga dayuhang negosyante at supplier.

***

SHORT BURSTS. Para sa mga komento o reaksiyon, mag-email sa firingline@ymail.com o mag-tweet sa @Side_View.

FIRING LINE
ni Robert Roque, Jr.

Robert B. Roque, Jr.

Published by
Robert B. Roque, Jr.

Recent Posts

Excitement ni Jimmy, sinalag ni Angel

ANO kaya ang pinagmulan ng galit o nag-trigger kay Jimmy Bondoc para mag-post siya ng tungkol sa isang malaking TV network na… Read More

13 hours ago

Nadine, maka-3-in a row kaya?

SA darating na 35th PMPC Star Awards For Movies na gaganapin sa June 2, 2019 sa Resorts World Manila, nominado si Nadine Lustre for Movie… Read More

13 hours ago

Aiko, back-to-back ang nominasyon

SI Aiko Melendez ay nominado rin sa Star Awards For Movies para sa Best Supporting Actress category para sa pelikulang Rainbow’s Sunset, na gumanap siya bilang isang… Read More

13 hours ago

Ms. Rhea Tan, umapaw ang ligaya sa idolong si Ms. Korina Sanchez

NAGPAHAYAG nang labis na ligaya ang CEO at President ng BeauteDerm na si Ms. Rhea Anicoche-Tan nang nakadaupang palad ang… Read More

13 hours ago

Dante Salamat, Best Public Service Awardee ng Gawad Pasado 2019

PINARANGALAN si Dante Salamat sa nakaraang Gawad Pasado 2019 bilang Best Public Service awardee 2019. Si Dante ay isang entrepreneur, coach mentor,… Read More

13 hours ago

10 movie icons pararangalan sa 3rd Eddys (Mga bayani sa likod ng kamera, kikilalanin sa ‘Parangal sa Sandaan’)

SAMPUNG nirerespeto at tinitingalang alagad ng sining ang bibigyang-parangal sa gaganaping 3rd EDDYS (Entertainment Editors’ Choice) ng Society of Philippine Entertainment Editors (SPEEd)… Read More

13 hours ago