Categories: Opinion

Permit ng quarrying sa Montalban at San Mateo Rizal, kanselahin

Share

LUBOG na naman sa baha ang Metro Manila nitong nakalipas na linggo dulot ng walang tigil na pagbuhos ng ulan dala ng hanging habagat at bagyong Karding.

Kadalasan kapag nananalasa ang bagyo, isa sa madaling lumubog ay Marikina City.

Hindi dahil sa barado ang mga kanal o ano pa man kung hindi madaling umapaw ang Marikina River.

Bakit?

Naniniwala ang pamahalaang lungsod ng Marikina na isa sa pangunahing dahilan ang tubig ng ulan na nagmumula sa kabundukan ng Rodriguez (Montalban) at San Mateo kapwa sa lalawigan ng Rizal.

Katunayan, hindi maikakaila na mula sa kabundukan ang baha dahil kulay-putik ang tubig. Tone-toneladang tubig-ulan ang nagmumula sa kabundukan dahil sa talamak na quarry sa Rodriguez at San Mateo.

Kaya, ano ang dapat na gawin para maso­lusyonan hindi lamang ang mabilis na pagtaas ng tubig sa Marikina River kung hindi maging ang sanhi nito — ang quarrying?

Siyempre, alangan naman pabayaan ito ng pamalahaang lungsod ng Marikina. Kaya, hayun umaksiyon agad si Marikina city mayor Marcy Teodoro para sa kanyang constituents.

Nanawagan at hiniling ng alkalde sa Depart­ment of Environment and Natural Resources (DENR) na kanselahin agad ang mga permit ng mga nagmimina/quarrying sa dalawang bayan.

Hindi lang suspension ang nais ng alkalde kung hindi cancellation. Dapat lang!

Katunayan, may suspension order na ang DENR, anang alkalde at kanyang itinuturing isang “welcome development” ito, pero hirit ni Teodoro  taasan ang parusa.

Parusang kanselahin ang permit ng mga iresponsableng businessmen na umaabuso sa kalikasan.

“Dapat ma-revoke ang mga permit. Iyan nga ang hiniling namin kay Special Assistant to the President Bong Go nang makausap namin siya. Kami sa Marikina City ang naaapektohan sa mismanagement ng upstream communities,” pahayag ni Teodoro.

Ang Marikina at Taytay sa Rizal ay nagsisil­bing catch basins ng baha o rainwater mula sa Rodriguez at San Mateo.

“Kung mapoprotektahan ‘yung Marikina wa­ter­shed in the upstream communities, ang effect niyan maganda para sa Marikina,” ani Teodoro.

“Mababawasan ‘yung mabilis na paghugos ng tubig galing sa kabundukan o sa itaas,” dagdag ng alkalde.

Sa talaan ng Marikina government, 16 ang barangay sa lungsod, 14 sa kanila ang matatag­puan malapit sa river system.

Sa info, may kautusan ang DENR na ipinatitigil ang quarrying sa San Mateo at Rodriguez pero bakit tuloy pa rin ang operasyon.

Magkano!?

Ayon kay DENR Undersecretary Jonas Leones, nagbaba na ng direktiba si Environment chief Roy Cimatu sa Mines and Geosciences Bureau (MGB) na itigil ang quarrying sa dalawang bayan.

Mabuti naman at umaksiyon na si Cimatu – anyway, hindi pa naman huli ang lahat. Pero bakit tila yata hanggang papel lang ang kautusan o hindi pinakikinggan ng MGB ang direktiba? Ano ba ang mayroon?

Sec. Cimatu, nagawi na po ba kayo a kabun­dukan ng Rodriguez at San Mateo? Naku po Mr. Kalihim, papalapit ka palang sa Montalban lalo na kung manggagaling ka sa area ng Quezon City (Payatas) pababa ng Montalaban, doon pa lang ay tanaw mo na kung gaano katalamak ang quarry sa lugar maging sa San Mateo. Makikita mo kung gaano kalawak ang natapyas sa kabundukan.

Madalas kong nakikita ito dahil ang lugar ay isa sa paboritong takbohan namin – para mag-ensayo sa “trail run.”

Kaya hindi pa huli ang lahat Mr. Kalihim. Iligtas ninyo ang kali­kasan natin para sa kababayan na­ting nakatira sa kabundukan ng Rodriguez at San Mateo. Ang masa­ma, hindi lang sila ang apektado kung hindi maging ang karatig lungsod tulad ng Marikina at Quezon City (Barangay Ba­gong Silangan).

AKSYON AGAD
ni Almar Danguilan

Almar Danguilan

Published by
Almar Danguilan

Recent Posts

Magic 12 senators iprinoklama na

KAHAPON  pormal nang iprinoklama ng Commission on Elections (Comelec) ang Magic 12 senators  na inihalal ng sambayanan nitong nakaraang 13… Read More

6 mins ago

Resort casino ‘bet’ ng Villars

HINDI pa man naipoproklama, pumutok na nitong nakaraang araw na pabor si Madam Cynthia Villar sa pagpasok ng mga investor… Read More

9 mins ago

Magic 12 senators iprinoklama na

KAHAPON  pormal nang iprinoklama ng Commission on Elections (Comelec) ang Magic 12 senators  na inihalal ng sambayanan nitong nakaraang 13… Read More

48 mins ago

Sa Shangrila BGC… Negosyante arestado sa P8.5-M party drugs

NAARESTO ng mga operatiba ng Taguig police at Philippine Drugs Enforcement  Agency (PDEA) ang isang lalaking negosyante na hinihi­nalang miyembro… Read More

11 hours ago

Navotas child protection unit pinasinayaan

BINASBASAN ang Women and Child Protection Unit sa Navotas City Hospital na ipinag­mamalaki  nina  Navotas City Mayor at ngayon ay congressman-elect John Rey… Read More

11 hours ago

5-taon basura ng Canada ‘itatapon’ pabalik ni Duterte

NAPIKON na si Pangulong Rodrigo Duterte kaya gagastusan na ang pagbabalik sa Canada ng mga basura nilang limang taon nang… Read More

11 hours ago