Tuesday , April 23 2019
Breaking News
You are here: Home / News / 12 sasakyan ng quarry firm sinilaban ng NPA

12 sasakyan ng quarry firm sinilaban ng NPA

UMAABOT sa 12 sasakyan ang sinu­nog ng 20 miyembro ng New People Army (NPA) nang salakayin ang isang quarry site habang malakas ang buhos ng ulan sa San Mateo, Rizal.

Nabatid sa ulat ng pu­lisya, inamin ng Nar­ciso Antazo Aramil Com­mand ng NPA, na 20 kasamahan nila ang uma­take sa Monte Rock Corp. sa Brgy. Guitnang Bayan sa loob ng dalawang oras.

Sa naantalang ulat ng pulisya, nangyari ang pagsalakay isang araw makaraan tumama ang Habagat na nagresulta ng pagbaha sa Metro Manila at lalawigan ng Rizal, na isinisisi sa quarrying sa San Mateo at Rodriguez ng mga residente.

Sinunog ng mga rebel­de ang ilang truck, apat na backhoe, bull­dozers at dinisarmahan ang mga security guard ng kom­panya.

Habang kinomiprma ni Supt. Vic Amante, hepe ng San Mateo PNP, 12 sasakyan ng kompanya ang winasak ng mga sumalakay na rebelde.

Patuloy na tinutugis ng mga awtoridad ang nasabing mga rebelde.

ni ED MORENO

About Ed Moreno

Leave a Reply

Your email address will not be published. Required fields are marked *

*

Scroll To Top