Categories: Opinion

Wala nang pang-dialysis, chemo at iba pa

Share

KUNG matutuloy ang paglipat ng buong 30% na charity fund sa Philhealth, hindi na kailangang pumila pa ang mga pasyente sa mga tanggapan ng Philippine Charity Sweepstakes Office (PCSO). Kung hindi na mababago pa ang panukala ay ito na ang magiging kalakaran sa ilalim ng Universal Health Care (UHC) na inaasahang magiging epektibo kapag lagdaan na ito ng Pangulong Duterte at maging batas sa buwan ng Oktubre.

Maganda ang hangarin ng UHC dahil pina­simpleng sistema na ang pagbibigay ng ayuda sa mga pasyenteng nangangailangan ng tulong mula sa gobyerno. Swak din ang sistemang ito sa Malasakit program ng Pangulo.

Isa pa, may hiwalay pang panukala para sa Philippine Amusement and Gaming Authority (PAGA), na sa aking pagkakaalam ay tatanggalin na sa PCSO ang regulatory functions nito para sa gaming products o palaro gaya ng Lotto, Sweepstakes at Small Town Lottery (STL).

Ang mga napipintong pagbabago na ito ay malaki ang magiging epekto sa organisasyon at operasyon ng PCSO.

Una, ang paglipat ng buong 30% CF ng PCSO sa Philhealth ay antimano lulusaw na rin sa Charity Sector at Charity Assistance Department (CAD) na mayroong halos 200 empleyado na karamihan ay regular at ang iba naman ay confidential agents (CA) at consultants. Saan kaya sila ilalagay? Balita ko ay sa Department of Health (DOH) daw. Hindi naman pala sila mawawalan ng trabaho kung ganoon dahil may lilipatan sila. Siyempre, sorry na lang sa mga CA at consultants.

Ito ang matindi, sa kabuuang 30% ng CF ay nasa 60% ang nagagamit para sa flagship project ng PCSO na Individual Medical Assistance Program (IMAP), Endowment Fund (EF), Ambulance Donation Program, Calamity Fund, Institutional Partnership Programs, Hospital Equipment Upgrade Program, at iba pa. Mawawala lahat ito. Posible namang hindi kung pasok ang mga programang ito sa Philhealth. Kaso mukhang wala ito sa mandato ng naturang ahensiya. Ang natirang 40% ay mandatory contributions ng PCSO sa 28 iba’t ibang ahensiya gaya ng Commission on Higher Education (CHED), Philippine Drug Enforcement Agency (PDEA), Philippine Sports Commission (PSC), National Book Development Act, Boy Scouts of the Philippines (BSP)Philippine Crop Insurance Corp., at iba pa. Mukhang itutuloy pa rin ang mga kontribusyon na ito kahit kung tutuusin ay dispalinghado sa Republic Act 1169, o ang Charter ng PCSO.

Pangalawa, mawawalan na ng regulatory function ang PCSO sa mga palaro nito dahil nasa kamay ito ng PAGA. Ang gagawin na lamang ng PCSO ay magpalaro at ang 30% sa kikitain nito ay awtomatikong ire-remit sa Philhealth.

Ang matitira sa PCSO ay 15% na Operating Fund at ang 55% Prize Fund. Ergo, magpalaro para makapagpasulpot ng pondo ang gagawin ng PCSO.

Uulitin ko, wala nang gagawing charity services o serbisyong kawanggawa. Wala na tayong makikitang nakapilang mga pasyente o kaanak nila sa Lung Center of the Philippines (LCP) at alin mang tanggapan ng PCSO.

Sa mga Lotto outlets na lamang tayo makakikita ng pila.

BAGO ‘TO!
ni Florante Solmerin

Florante Solmerin

Published by
Florante Solmerin
Tags: PCSO

Recent Posts

Excitement ni Jimmy, sinalag ni Angel

ANO kaya ang pinagmulan ng galit o nag-trigger kay Jimmy Bondoc para mag-post siya ng tungkol sa isang malaking TV network na… Read More

7 hours ago

Nadine, maka-3-in a row kaya?

SA darating na 35th PMPC Star Awards For Movies na gaganapin sa June 2, 2019 sa Resorts World Manila, nominado si Nadine Lustre for Movie… Read More

7 hours ago

Aiko, back-to-back ang nominasyon

SI Aiko Melendez ay nominado rin sa Star Awards For Movies para sa Best Supporting Actress category para sa pelikulang Rainbow’s Sunset, na gumanap siya bilang isang… Read More

7 hours ago

Ms. Rhea Tan, umapaw ang ligaya sa idolong si Ms. Korina Sanchez

NAGPAHAYAG nang labis na ligaya ang CEO at President ng BeauteDerm na si Ms. Rhea Anicoche-Tan nang nakadaupang palad ang… Read More

7 hours ago

Dante Salamat, Best Public Service Awardee ng Gawad Pasado 2019

PINARANGALAN si Dante Salamat sa nakaraang Gawad Pasado 2019 bilang Best Public Service awardee 2019. Si Dante ay isang entrepreneur, coach mentor,… Read More

7 hours ago

10 movie icons pararangalan sa 3rd Eddys (Mga bayani sa likod ng kamera, kikilalanin sa ‘Parangal sa Sandaan’)

SAMPUNG nirerespeto at tinitingalang alagad ng sining ang bibigyang-parangal sa gaganaping 3rd EDDYS (Entertainment Editors’ Choice) ng Society of Philippine Entertainment Editors (SPEEd)… Read More

7 hours ago