Tuesday , December 11 2018
Breaking News
You are here: Home / News / Solons zero ‘pork barrel’ na — Rep. Castro
Solons zero ‘pork barrel’ na — Rep. Castro

Solons zero ‘pork barrel’ na — Rep. Castro

Ang kontrobersiyal na ‘pork barrel’ na kinasang­kutan ng reyna nitong si Janet Lim Napoles at ibang mga mambabatas ay wala na aniya sa Kongreso ngayon.

Ayon kay Deputy Speaker Fredenil Castro, ang sistema ng pork barrel ay ‘lumisan’ mula nang ipinagbawal ng Korte Suprema.

Ang kapalit nito, ani Castro, ay mga proyekto mula sa iba’t ibang ahen­siya ng gobyerno kagaya ng Department of Public Works and Highways (DPWH) at Department of Social Welfare and Development (DSWD).

Ani Castro, ‘pag may kailangan ang mga kong­resista sa kanyang dis­trito, sila ay hihingi sa mga sangay ng gobyer­nong may hawak ng pon­do para rito.

READ MORE:  Palaboy ‘itinumba’ ng uhaw at gutom

Sa panahon ng pagka-presidente nina Benigno Aquino, Gloria Maca­pa­gal Arroyo na ngayon ay speaker na, panahon ni Erap Estrada at Ramos, ang mga kong­resista at mga senador ang may hawak ng pon­do ng kani­lang mga distrito at ang pasya kung saan ito ga­gastusin ay nasa kanila.

Ngayon, nagbago na ang proseso, ang pondo ng mga proyekto ay naka­laan na sa budget ng bawat departamento ng gobyerno habang gina­gawa pa lamang ang bud­get ng bawat ahensiya o sangay ng gobyerno.

READ MORE:  Kelot nandakma ng dibdib ng bebot sa Misa de Gallo (Tinuksong bading)

Ayon sa sources sa Kamara, ang pondo ng bawat kongresista na nag­kakahalaga nang hindi kukulangin sa P70-milyon ay nakapaloob sa mga ahensiya na magsa­saga­wa ng proyekto nila.

Ang malakas umano sa ‘panginoon’ at naka­kukuha nang ‘sobra-sobra pa’ kaysa mga kasama­han nila sa Kamara.

Noong nakaraang mga administrasyon,  may mga kongresista na walang pondo, lalo na iyong mga kritiko ng administrasyon.

Ngayon, ani House Majority Leader Rolando Andaya, lahat ng kongre­sista ay may pondo para sa distrito.

READ MORE:  Jail officer todas sa tandem (Lolo sugatan)

“It’s not PDAF (Priority Development Assistance Fun) but a regular allocation na ang government  infrastruc­tures ay talaga namang mini-maintain ang mga kalsada, mga tulay at iba pa. Kaya kung magsasabi ka na hindi ka zero, ibig sabihin mame-maintain nang maayos ang mga kalsada because the DPWH naman ay may­roong maintenance fund ‘yan para manatiling maayos ang mga infras­tructure projects ng gobyerno sa iyong distrito,” ani Castro.

(GERRY BALDO)

COMMENTS

About Gerry Baldo

Scroll To Top
 

Copyright hatawtabloid.com | All Rights Reserved