Wednesday , December 12 2018
Breaking News
You are here: Home / Showbiz / Request ni Kris sa TWBA, ‘di napagbigyan
Request ni Kris sa TWBA, ‘di napagbigyan

Request ni Kris sa TWBA, ‘di napagbigyan

MAITUTURING na comeback movie ni Kris Aquino sa Star Cinema ang I Love You, Hater sa loob ng ilang taon din niyang ‘di paggawa sa nasabing film arm ng ABS-CBN, ang dati niyang home network.

Kaso, dahil desmayado si Kris sa kinita ng pelikula sa takilya ay isa-isa na rin niyang inilabas ang kanyang mga sentimyento sa Star Cinema.

Isa na rito ay ang ‘di natuloy na dapat sana’y guesting niya sa Tonight With Boy Abunda. Alam ng lahat na si Kuya Boy ang dating namamahala ng mga importanteng kontrata ni Kris.

READ MORE:  Pagkanta ni Julie Anne sa NY Times Square, itinampok sa The Ellen DeGeneres Show

Hiling kasi ni Kris to go live on TWBA, bagay na hindi pinayagan ng produksiyon.

Sa halos 20 taon din naming pagtatrabaho sa TV ay dalawa ang options na ibinibigay sa mga guest: live o taped. Depende rin sa subject o guest ang option na ‘yon.

READ MORE:  Dra. Vicki Belo ‘di pa raw sanay sa buhay may asawa at tawaging “my husband” si Hayden Kho (Pa-virginal ang drama!)

Mas naiingatan kasi kung taped ang interview sa guest, lalo’t kung maselan ang paksa o delikado mismo ang panauhin pagdating sa pagpapakawala ng mga salita na maaaring maging dahilan ng kanselasyon ng programa.

Alinman sa dalawa—live o taped—ay call ng produksiyon. Ito ang nasusunod, hindi ang guest na kung tutuusi’y humihingi lang ng pabor.

Sa kaso ni Kris ay mukhang nag-iingat lang ang TWBA staff sa maaari nitong sabihin kung natuloy ang kanyang live guesting. Knowing Kris, baka mayroon siyang baon na pasabog na ikagugulat na lang ng mga tauhan ng show.

READ MORE:  Kasalang Vic-Pauleen, ‘di pa plantsado

Pero dapat ay alam ni Kris ang ganitong batas na umiiral sa TV. Dati siyang host ng iba’t ibang programa. Maaaring pagbigyan ang request ng guest, pero ibang usapan na kung ‘yun ay para nang demand na kailangang sundin.

HOT, AW!
ni Ronnie Carrasco III

COMMENTS

About Ronnie Carrasco III

Scroll To Top
 

Copyright hatawtabloid.com | All Rights Reserved