Thursday , December 13 2018
Breaking News
You are here: Home / Showbiz / Kiko, lilipat ng tiket dahil kay Sharon
Kiko, lilipat ng tiket dahil kay Sharon

Kiko, lilipat ng tiket dahil kay Sharon

BAGAMA’T showbiz ang dugong nananalaytay sa ugat ni Sharon Cuneta, sa ngayon ay hindi maikakaila na bahagi ng kanyang pagkatao ay may halong politika.

Mas komplikado nga lang ngayon ang kinasusuungan ni Sharon. Asawa siya ni Senator Kiko Pangilinan na mula sa oposisyon (Liberal Party), pero lantaran ang pagsasabi niyang malapit siya kay Pangulong Digong Duterte (na kaibigang matalik ng kanyang yumaong ama na si dating Pasay City Mayor Pablo Cuneta).

READ MORE:  Meg at Valerie, biktima ng human trafficking

Hindi roon nagwawakas ang kuwento, kaibigan din ng megastar ang anak ni Digong na si Davao City Mayor Sara Duterte.

All this makes for a complicated situation, lalo pa’t ang kuya niyang si Cesar (may palayaw na Chet) na balitang tatakbo bilang alkalde ng Pasay ay posibleng tumiket sa PDP-Laban.

Sa pakikipagmabutihan ni Sharon sa administrasyon ay may espekulasyon na maaaring sa kanilang silid-tulugan ay napag-uusapan nina Sharon at Kiko ang posibleng pagkalas ng mambabatas sa LP upang lumipat sa PDP-Laban.

READ MORE:  Julian, sangrekwa pala ang fans

Magiging conflict of interest nga naman ang gagawing pangangampanya ni Sharon sa kanyang Kuya Chet gayong ang mismong asawa niya’y nasa kabilang partido.

Ang inyong lingkod ay tubong-Pasay na makikipagbanggan si Chet sa kapatid ng incumbent mayor na mamamaalam sa Kongreso.

READ MORE:  Empress, na-burn out sa showbiz

Totoong malakas na crowd-drawer si Sharon pagdating ng campaign period. Sa rami ng mga kaibigan ni Sharon sa showbiz ay baka sila pa ang mag-alok ng libreng suporta para sa kanyang kuya.

In the meantime, kailangan muna sigurong maresolba kung ano ang magiging desisyon ni Kiko, dahil ang paglipat niya’y nangangahulugan din ng suporta sa kanyang bayaw.

     (RONNIE CARRASCO III)

COMMENTS

About Ronnie Carrasco III

Scroll To Top
 

Copyright hatawtabloid.com | All Rights Reserved