Categories: News

Amyenda sa Saligang Batas iatras na — solons

Share

READ: Amyenda sa Party-list Law iginiit

NANAWAGAN ang mga militanteng kongre­sista sa administrasyon na itigil na ang kilos para sa pag-amyenda sa 1987 Constitution matapos ang resulta ng pinaka­bagong survey ng Pulse Asia Survey na nagsasa­bing  dalawa sa tatlong Filipino o 67 porsiyento nito ay ayaw sa pag-ikot ng Konstitusyon.

Ayon kay Bayan Muna­ Rep. Carlos Zarate, Akbayan Rep. Tom Villarin, Alliance of Con­cerned Teachers (ACT) party-list Rep. Antonio Tinio at Gabriela Rep. Emmi de Jesus dapat ikonsidera ng gobyernong Duterte ang damdamin ng mga Filipino sa Federalismo at iba pang kilos para baguhin ang Konstitusyon.

Nagbabala si Zarate sa mga nagtutulak ng “self-serving Charter change” na malinaw ang pagtutol ng mga tao sa chacha.

Aniya karamihan sa mga tao ay ayaw sa cha­cha at darami pa ito habang nailathala ang mga hindi makataong probisyon nito.

Ani Villarin, lahat  ng survey ay nagsasabi na ang karamihan ay ayaw sa chacha ngayon at sa mga darating na pana­hon.

Ang pagpilit nito, ani Villarin, ay magdudulot ng “political instability” na lalong gugulo sa krisis pang ekonomiya na ginawa ng administra­s-yon.

Umaalingasaw, ani­ya, ito ng pagka-arogante at pagkawala ng pak­i-ramdam ng gobyerno sa kalagayan ng mga taong nahihirapan sa pagtaas ng mga pangunahing bilihin at mga patayan sa pekeng “war on drugs.”

Sa panig ni Tinio, ang Pulse Asia survey ay nagpapakita ng matin­ding pagtutol sa Charter change at federalismo.

Para kay de Jesus, ang nasabing survey ay nagpapakita ng kawalan ng tunay na panawagan para baguhin ang Konsti­tusyon.

Aniya, pilit na isinu­subo ito sa mamamayan.

“Lalong nalalantad ang pakanang Cha-cha bilang isang self-serving na hakbang ng rehimen, lalo pa’t may pahayag ang liderato ng Kamara hinggil sa pagpapaliban ng eleksiyon. Panawagan namin sa kababaihan at sa mamamayan na ipakita ang pagtutol sa Cha-cha sa pamamagitan ng paglahok sa malaking pagkilos sa ikatlong SONA (State of the Nation Address) ni [Pangulong Rodrigo] Duterte,” ani de Jesus.

Sinabi ng Pulse Asia, sa survey na ginawa noong 15 Hunyo hangang 21 Hunyo, 67 porsiyento ang ayaw sa chacha.

Sinabi rin sa survey na habang 55 porsiyento ang may alam na may mga kilos sa pag-amyenda ng Konstitusyon, 74 por­siyento ay may kaunting pagka-alam sa nasabing Konstitusyon.

(GERRY BALDO)

Gerry Baldo

Published by
Gerry Baldo

Recent Posts

Excitement ni Jimmy, sinalag ni Angel

ANO kaya ang pinagmulan ng galit o nag-trigger kay Jimmy Bondoc para mag-post siya ng tungkol sa isang malaking TV network na… Read More

13 hours ago

Nadine, maka-3-in a row kaya?

SA darating na 35th PMPC Star Awards For Movies na gaganapin sa June 2, 2019 sa Resorts World Manila, nominado si Nadine Lustre for Movie… Read More

13 hours ago

Aiko, back-to-back ang nominasyon

SI Aiko Melendez ay nominado rin sa Star Awards For Movies para sa Best Supporting Actress category para sa pelikulang Rainbow’s Sunset, na gumanap siya bilang isang… Read More

13 hours ago

Ms. Rhea Tan, umapaw ang ligaya sa idolong si Ms. Korina Sanchez

NAGPAHAYAG nang labis na ligaya ang CEO at President ng BeauteDerm na si Ms. Rhea Anicoche-Tan nang nakadaupang palad ang… Read More

13 hours ago

Dante Salamat, Best Public Service Awardee ng Gawad Pasado 2019

PINARANGALAN si Dante Salamat sa nakaraang Gawad Pasado 2019 bilang Best Public Service awardee 2019. Si Dante ay isang entrepreneur, coach mentor,… Read More

13 hours ago

10 movie icons pararangalan sa 3rd Eddys (Mga bayani sa likod ng kamera, kikilalanin sa ‘Parangal sa Sandaan’)

SAMPUNG nirerespeto at tinitingalang alagad ng sining ang bibigyang-parangal sa gaganaping 3rd EDDYS (Entertainment Editors’ Choice) ng Society of Philippine Entertainment Editors (SPEEd)… Read More

13 hours ago