Sunday , August 19 2018
Breaking News
You are here: Home / News / Amyenda sa Party-list Law iginiit
Amyenda sa Party-list Law iginiit

Amyenda sa Party-list Law iginiit

READ: Amyenda sa Saligang Batas iatras na — solons

MATAPOS ilabas ang mga Statement of Assets Liabilities and Networth (SALN) ng mga mam­babatas, iginiit ni Akba­yan Rep. Tom Villarin na kailangan nang amyendahan ang batas na nagsasakop sa party list system.

Ayon kay Villarin, kailangan nang amyenda­han ang party-list law upang matanggal ang mga “political butter­flies” at ang mayayaman, sa sistema na nakalaan sa marginalized sector.

“Kailangan nang i-amend ang party-list law na naglalayong magka­roon ng representasyon ang bawat sector, ang pinakadiwa ng batas ay para sa mga “under-represented” o “margin­alized groups,” ani Villarin na bunga ng party-list system.

READ MORE:  9 airport police, taxi driver, 18 airport civilian personnel pinarangalan

Lumabas sa balita na ang pinakamayamang miyembro ng Mababang Kapulungan ay nagmula sa party-list groups.

Sinisi ni Villarin ang Korte Suprema sa pag-interpreta sa Batas (RA 7941) ng party-list na nagpahina sa tunay na intensiyon nito.

Ayon kay Villarin nakasaad sa Saligang Batas na ang Party-List seats ay limitado sa mga sektor na tinutukoy sa Section 5(2) of Article VI ng Konstitusyon na sina­bing 20 porsiyento ang alokasyon ng party-list sa kabuuhan na miyembro ng Kamara.

READ MORE:  Vendor itinumba sa Quezon

Kalahati, umano, sa alokasyon ng mga party-list ay ilaan sa sektor ng “labor, peasant, urban poor, indigenous cultural communities, women, youth, and such other sectors as may be pro­vided by law, except the religious sector.”

Ani Villarin, ang Saligang Batas at ang RA 7941 na nakasasaklaw sa party-list system ay hindi nangangahulugan na kasama ang ‘non-sectoral parties’ kasama ang mga bilyonaryo na pinayagan ng Korte Suprema sa desisyon nito kamaka­ilan.

READ MORE:  Minahan ‘nilulutuan’ ng droga? (Chinese, 2 minero tiklo)

Lumabas sa SALN ng mga kongresista na ang pinakamayamang miyembro ng Kamara ay nagmula sa hanay ng party-list na pinangu­ngunahan ni 1-Pacman Rep. Michael Romero na may halagang sobra sa P7-bilyon kasunod si Diwa Rep. Emmeline Aglipay Villar na nagka­kahalaga ng P1.5-bilyon.

(GERRY BALDO)

COMMENTS

About Gerry Baldo

Scroll To Top
 

Copyright hatawtabloid.com | All Rights Reserved