Thursday , March 28 2024

Joyce Bernal, nag-ocular na sa Batasang Pambansa para sa SONA ni Pangulong Duterte

HINDI pa masabi ni Binibining Joyce Bernal kung kailan siya lilipad ng Marawi para simulan ang shooting ng action movie na prodyus ng Spring Films.

Sa Agosto na sisimulan ang shooting, pero, “hindi ko alam ang exact date pero anytime soon lilipad na kami, inaayos pa mga schedule ng artista kasi hindi namin alam kung available pa silang lahat kasi ang tagal na naming inalok ito sa kanila noon at pumayag sila, eh, almost a year na, baka tumanggap na ng iba.

“Confirmed actors ko sina Robin (Padilla), Piolo (Pascual) at babalikan ko sina Ronnie Lazaro at Jasmin Curtis kung available sked nila. Marami pa, mga indie actor,” tugon ni director na sinabing hindi na matutuloy ang planong locked-in ang mga artista sa Marawi.

“Iyon sana ang plano namin pero hindi pala puwede kasi sensitive pa rin ‘yung place, sabi mismo ng AFP kaya magsu-shoot kami kung kailan safe. Kaya putol-putol ang shooting namin,” pangangatwiran pa ni Bininibing Joyce.

Hindi pinayagan si Direk Cesar Apolinario na mag-shoot ng movie nitong The Marawi Story sa Marawi kamakailan, kaya suwerteng pinayagan sila ng Armed Forces of the Philippines na mag-shoot ngayon.

“Actually, ngayon lang kami pinayagan, sobrang maraming pag-uusap, last November pa maraming talks, kaya nagtagal kami,” anang direktora.

Ipalalabas ng Spring Films ang Marawi sa Mayo o sa Hunyo para sa selebrasyon ng Independence Day.

Sa kabilang banda, si direk Joyce ang magdidirehe ng SONA ni Presidente Rodrigo Roa Duterte na mangyayari sa Hulyo 23.

Noong unang nakausap namin si Binibining Joyce ukol sa SONA, wala pa itong maikuwento dahil hindi pa sila nakakapag-usap ni Duterte.

Pero ayon sa balita, personal choice pala ni Duterte si Direk Joyce.

Sinabi naman ni Presidential Communication Operations Office Secretary Martin Andanar na kinuha si Direk Joyce ayon na rin sa rekomendasyon ni Robin.

At kahapon, nagsagawa na ng ocular inspection si Bernal sa gusali ng Batasang Pambansa. Nakipag-usap na rin ito kina RTVM Director Demic Pabalan at sa mga miyembro ng technical working group.

FACT SHEET
ni Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *