Tuesday , August 20 2019
Breaking News
You are here: Home / News / Gen. Tinio mayor todas sa ambush

Gen. Tinio mayor todas sa ambush

BINAWIAN ng buhay si Mayor Ferdinand Bote ng bayan ng General Tinio, Nueva Ecija makaraan pagba­barilin nitong Martes, ayon sa ulat ng pulisya.

Ang insidente ay naganap isang araw ma­karaan barilin at mapatay si Tanauan City Mayor Antonio Halili habang nasa flag cere­mony sa Batangas nitong Lunes.

Sinabi ni Philippine National Police chief, Director Oscar Albayalde, ang alkalde ay pinagba­baril ng hindi kilalang mga suspek na lulan ng motorsiklo habang lulan ng kanyang sasakyan mula sa National Irriga­tion Administration office sa Cabanatuan City.

Sinabi ni NIA-Caba­natuan manager Rose Bote (hindi kaanak ng alkalde), ang opisyal ay palabas ng kanilang opisina lulan ng kanyang sasakyan dakong 4:30 pm nang pagbabarilin ng mga suspek.

“May CCTV po kami sa gate, nakita po namin ‘yun, noong ini-review po ‘yung CCTV, noong pala­bas na po siya sa high­way. Nakasakay po siya sa sasakyan,” ayon kay Rose Bote.

“Papaliko na po siya sa highway, mayroon pong isang naka-black na mama na tumutok po doon sa sasakyan niya. ‘Yun pong sa CCTV nakatayo po e, wala po sa sasakyan.”

Ayon kay Rose Bote, ang driver ng alkalde, na hindi tinamaan sa insi­dente, ay isinugod ang opisyal sa hindi kala­yaang Cabanatuan City Hospital ngunit hindi umabot nang buhay.

HATAW News Team

About hataw tabloid

Leave a Reply

Your email address will not be published. Required fields are marked *

*

Scroll To Top