Saturday , April 20 2019
Breaking News
You are here: Home / News / Jueteng mahirap tanggalin — Solon

Jueteng mahirap tanggalin — Solon

NAKAUGAT sa kulturang Pinoy ang jueteng, ani Ako Bicol Rep. Rodel Batocabe, kaya mahirap tanggalin.

Ayon kay Batocabe, ang jueteng ay masa­mang realidad sa buhay ng mga Filipino na mahi­rap tanggalin.

“Ang masamang realidad, lahat mayroong takits. ‘Yong pulis, meron. ‘Yong mga politiko na nama­mahala sa mga lugar, mayron din na share. So paano pa natin gagawin ito e talamak talaga. La­hat meron,” ani Bato­cabe.

Sinabi ni Batocabe, kung meron man nag-iingay laban sa jueteng, sila ay ‘nabibigyan din.’

Idinidepensa ni Bato­cabe si Pangulong Rodrigo Duterte, na nagsabi, sa isang talum­pati sa Bohol, na mahirap tanggalin ang jueteng kasi baka magamit  ng mga drug lord ang network nito at may mga magu­gutom.

“Now if there’s jueteng, at least money goes around. Some people will get hungry, others will be able to eat, there’s commercial activity,” ani Duterte sa talumpati.

“Ang nangyari, me­rong web talaga ng cor­ruption at nagiging parte ng kultura na parang ordinaryo na,” ani Bato­cabe.

Ayon sa kongresista, hindi na kailangan i-legalize ang jueteng kasi may STL (small town lottery) na katumbas ng jueteng.

Aniya, “Siguro hindi lang na-brief ang pangulo tungkol sa STL. Siguro ‘pag na-brief po siya ng mga taga-PCSO (Philip­pine Charity Sweepstakes Office), alam niya na may programa siya para ma­bawasan o maalis talaga ‘yong jueteng.”

Nagpatawag si Du­ter­te ng miting sa jueteng Lords at ang sabi ni Batocabe gagamitin nila sa Kamara ang nasabing miting para palakasin ang legal na STL.

ni Gerry Baldo

About Gerry Baldo

Leave a Reply

Your email address will not be published. Required fields are marked *

*

Scroll To Top