Wednesday , August 15 2018
Breaking News
You are here: Home / Showbiz / Parinig ni Jay, ‘di pinatulan nina Arnold, Kiara, Joseph, at Joel
Parinig ni Jay, ‘di pinatulan nina Arnold, Kiara, Joseph, at Joel

Parinig ni Jay, ‘di pinatulan nina Arnold, Kiara, Joseph, at Joel

MALAKAS ang aming gut feel o kutob na may balidong dahilan kung bakit nana­natiling tahimik o non-reactive ang mga binan­sagang bagitong reporter ni Jay Sonza na taga-GMA.

Apat kasi sa kanila—Arnold Clavio, Kara David, Joseph Morong, at Joel Zobel—ang tahasang sinabihan ng laos na broadcaster ng, ”bastos, walang modo, at walang breeding.”

“Respeto na lang ‘yon sa isang may-edad na,” ang naulinigan nga naming opinyon ng isang GMA news insider na nag-validate ng aming kutob.

READ MORE:  Jen, dream come true na makatrabaho si Lloydie

Pero ang higit na dahilan ng ‘di na pagpatol ng apat na nabanggit ay may kinalaman kay Mel Tiangco. Teka, ano nga ba ang konek ni Mel kay Jay?

Dating magka-tandem ang dalawa sa programang Mel & Jay noon sa ABS-CBN. Dahil kapwa nila kinasuhan ang nasabing TV network kung kaya’t napadpad si Tita Mel sa GMA samantalang wala namang sumalo kay Jay.

READ MORE:  Joshua, pang-idolo ang dating

Ilang taon na rin ang binibilang ni Tita Mel sa GMA, pinamamahalaan pa niya ang Kapuso Foundation nito. Through the years ay natural lang na lumalim na rin ang pakikipagkaibigan niya—beyond work—kina Arnold et al.

May mga lumutang pang tsismis noon na higit din daw sa pagiging mag-co-host ang namagitan kina Mel at Jay. Kung totoo man ito, anuman siyempre ang tanggaping batikos ni Jay, kahit paano’y apektado rin si Mel (and vice versa).

READ MORE:  Wedding plans nina Carla at Tom, isinasantabi muna

Paggalang sa may-edad na kapwa. Respeto rin sa tinatawag na ethics of journalism. At pagtingin na lang kay Mel ang isinasaalang-alang ng apat na ‘yon para palampasin na lang ang banat mula sa isang kabarong tila walang pinagkatandaan.

HOT, AW!
ni Ronnie Carrasco III

COMMENTS

About Ronnie Carrasco III

Scroll To Top
 

Copyright hatawtabloid.com | All Rights Reserved