Friday , August 17 2018
Breaking News
You are here: Home / News / Namatay sa selda: Buhay ng tambay dapat bigyan ng saysay — Solons
Namatay sa selda: Buhay ng tambay dapat bigyan ng saysay — Solons

Namatay sa selda: Buhay ng tambay dapat bigyan ng saysay — Solons

HINDI papayag ang mga kongresista na mawalan ng saysay ang buhay ni Genesis “Tisoy” Argon­cillo dahil sa isang pulis operation laban sa mga istambay na itinuring na ilegal ng kasalukuyang awtoridad.

Ayon sa mga kongre­sista dapat malaman ng madla ang tunay na kalagayan ng pagka­matay ni Tisoy.

Sa ulat, sinabing si Tisoy ay nagpunta sa tindahan para magpa-load sa kanyang cellphone nang hulihin ng mga pulis sa Quezon City.

READ MORE:  Kalaguyo ni misis tigok sa saksak ni mister

Kasama sa mga naghain ng resolusyon ang Makabayan bloc na sina Bayan Muna Rep. Carlos Isagani Zarate, Gabriela Reps. Emmi de Jesus at Arlene Brosas, Alliance of Concerned Teachers (ACT) Reps. Antonio Tiñio at France Castro, Kabataan Rep. Sarah Elago at Anak­pawis Rep. Ariel Casilao.

“Kailangan ng hustisya para sa walang say­say na pagkamatay ni Genesis Argoncillo mata­pos arestohin at ma-detain sa kamay ng pulis ng Quezon City alin­sunod sa anti-tambay campaign ni Pangulong [Rodrigo] Duterte,” ani Tiñio.

READ MORE:  P25-M shabu nasamsam sa 2 tsekwa

Ayon kay Quezon City Rep. Jose Christopher “Kit” Belmonte, ang kina­tawan sa distrito ni Tisoy sa Novaliches, dapat maimbestigahan ang pag-aresto sa mga tam­bay.

“Nakikiramay ako sa pamilya at mga mahal sa buhay ni Tisoy Argoncillo. Bilang kanyang kinata­wan, personal ang aking pagluluksa sa kanyang walang-saysay na pagka­matay,” ani Belmonte.

READ MORE:  Preso ng MPD patay sa bully

Dinampot si Argon­cil­lo dahil umano sa “alarm and scandal” sa pa­ligid niya sa Nova­liches.

Si Tisoy, edad 25 anyos, ay namatay sa loob ng selda sa Police Station 4, sa Novaliches.

Kinakitaan ng mga tama ng bala sa leeg, ulo, dibdib at mga braso.

ni Gerry Baldo

COMMENTS

About Gerry Baldo

Scroll To Top
 

Copyright hatawtabloid.com | All Rights Reserved