Wednesday , November 14 2018
Breaking News
You are here: Home / Bulabugin / Ex-Sen. Bong Revilla binalagoong sa hoyo?
Ex-Sen. Bong Revilla binalagoong sa hoyo?

Ex-Sen. Bong Revilla binalagoong sa hoyo?

NAKIKISIMPATIYA tayo sa kalagayan ngayon ni dating Senador Ramon “Bong” Revilla Jr.. na apat na taon nang nakakulong sa Philippine National Police (PNP) Custodial Center sa Camp Crame, Quezon City.

Ang ipinagtataka natin dito, lahat ng mga kasabay ni Revilla na nakulong dahil sa P10-bilyong pork barrel fund scam ay nakalaya na, pero siya hanggang ngayon ay nasa Camp Crame pa.

Nang mai-post nga sa kanyang Facebook account ang kanyang pagkainip at pagkabugnot na mayroong larawan na siya ay mukhang nawalan na ng pag-asang makalabas pa, bigla pang naging isyu kung bakit mayroon siyang cellphone sa loob.

READ MORE:  Nationwide protest bukas hinikayat ni Tatay Digong para Martial Law ay gunitain

Maagap itong sinagot ni Rep. Lani Mercado na responsibilidad umano ng admin ng Facebook account ni Revilla ang nasabing post at hindi totoong may cellphone ang kanyang asawa sa loob. Luma na raw ‘yung retrato.

Mukhang mahigpit ang mga ‘bantay’ ni ex-Sen. Bong. Lahat ng kilos niya ay binabantayan  at hindi siya maaaring makalusot.

Isa pang tingin natin, mukhang nangamote ang dating abogado ni ex-Senator Bong mabuti na lamang at pinalitan na niya.

READ MORE:  Happy Birthday Mayor Alfredo Lim

Hindi kaya panahon na upang pagtuunan ng Sandiganbayan ang kasong ito ni ex-Senator Bong?!

Sabi nga, justice delayed is justice denied.

At mukhang matagal nang dinaranas ni ex-Senator Bong ang kalagayang ‘yan.

Kung mahaba pa ang itatakbo ng kaso, bakit hindi hayaang makapaghain ng piyansa ang dating senador?!

Tutal naman, pinayagan nang maghain ng piyansa ang mga kasabayan niya sa hoyo.

Kailangan bang mag-imbento ng ‘sakit’ para paunlakan ang kanyang petisyon ng dating mambabatas?!

O kailangan bang iumpog sa pader ni Revilla ang kanyang ulo at ito’y magdugo bago pan­sinin ng Sandiganbayan ang petisyon ng ka­nilang kampo?!

READ MORE:  Manila Dist. 1 Rep. Benjamin “Atong” Asilo hindi iniwan ang Tondo

Palagay natin ‘e hindi pa huli ang lahat para muling repasohin ang petisyon ng dating Senador.

Hind pa huli ang lahat para payagan siyang makapiling ang kanyang pamilya habang hinaharap ang asunto laban sa kanya.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved