Sunday , August 19 2018
Breaking News
You are here: Home / Showbiz / Pedro Penduko ni James Reid, mapapanood na
Pedro Penduko ni James Reid, mapapanood na

Pedro Penduko ni James Reid, mapapanood na

MATATAPOS na ang matagal na paghihintay sa pinananabikang pelikula na pagbibidahan ni James Reid, ang Pedro Penduko.

Sa pakikipag-isa ng gumawa ng Pedro Penduko, isang Filipino comic book character na binuo ni National Artist for Literature Francisco V. Coching, maisasabuhay na ito at mas mabibigyab ng magandang kulay.

Nakipagsosyo ang Epik Studios sa Viva Entertainment at Cignal TV para gumawa ng mahigit 50 ordinary comic book characters para mas mapalapit sa puso ng mga Pinoy na mahilig sa Kuwentong Bayan.

READ MORE:  Coleen, mala-diyosa ang kaseksihan sa mga pictorial sa Maldives

Napili si James para magbida sa Pedro Penduko, isang ordinaryong Pinoy na handang labanan ang masasamang espiritu sa tulong ng agimat.

Unang gumanap na Pedro Penduko si Efren Reyes Sr. sumunod sina Ramon Zamora, Janno Gibbs, at Matt Evans.

Mapapanood ang Pedro Penduko sa last quarter ng 2018. At bilang paghahanda, nag-aaral ng martial arts si Reid para sa matitinding eksena.

READ MORE:  Dyesebel, nasulot ni Kim kay Jessy (Dahil may Maria Mercedes pa…)

Ang karakter ni James ay nilagyan ng modern twist na nagre-redefine at para maging relevant superheroes para sa kasalukuyang henerasyon.

Bale ang Cignal TV ang maghahandog ng Pedro Penduko at ng iba pang nakapangingilabot na karakter sa pamamagitan ng pelikula at serye. Sila rin ang mamamahagi nito sa iba’t ibang klase ng platform tulad ng DTH, IPTV, OTT at iba pa. Ang oartnership ay hanggang sa paghahatid din ng video entertainment dahil nag-venture rin sila sa merchandising at gaming.

READ MORE:  Daniel, ‘di totoong magpapa-convert sa INC

Samantala, marami pang nakalinyang proyekto ang Epik Studios para maihatid muli ang iba pang istorya ng mga folk heroes tulad nina Bernardo Carpio, Maria Makiling, at iba pa. At tiyak ito’y mabibigyan ng bagong mukha at hitsura dahil sa mga batang nobelista at animator.

SHOWBIZ KONEK
ni Maricris Valdez Nicasio

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved