Tuesday , March 19 2024

Ika-120 taon ng araw ng kalayaan ginunita

GINUNITA ang ika-120 anibersaryo ng Kalayaan na may temang “Pag­ba­bagong Ipinaglaban, Alay sa Masaganang Kinabu­kasan” sa bantayog ni Gat Andres Bonifacio sa Monumento Circle, Calo­o­can City, kahapon ng umaga.

Pinangunahan nina Mayor Oscar Malapitan, 1st District Cong. Along Malapitan, 2nd District Cong. Egay Erece, Vice Mayor Maca Asistio III, Caloocan Police chief, S/Supt. Restituto Arcanghel at Danny Lim, chairman ng Metro Manila Develop­ment Authority (MMDA), ang pagtataas ng wata­wat ng Filipinas, pag-alay ng mga bulaklak at pag­papalipad ng mga lobo sa naturang okasyon.

Sa kanyang talum­pati, sinabi ni Mayor Malapitan na 120 taon ang nakaraan nang ide­klara ni Emilio Aguinaldo ang ating kalayaan mula sa mga mananakop na Kastila, sadyang mapag­mahal sa ating kalayaan ang mga Filipino.

Pinasalamatan din niya ang mga bayaning sina Jose Rizal, Andres Bonifacio, Antonio Luna, Apolinario Mabini, Emilio Aguinaldo, Emilio Jacinto, Gregorio Del Pilar at libo-libong mga ninuno na nagbuwis ng kanilang buhay.

Ibinida ng alkalde ang kanyang mga nagawang proyekto sa lungsod kabi­lang ang mga bagong sa­sakyan ng mga pulis, karagdagang CCTV, mga pailaw sa kalsada, ang bagong bukas na Balay Silangan Reformation Center, tuloy-tuloy na out-patient rehab pro­gram, mega job fair bu­wan-buwan, edukasyon at cash for work program.

Habang simple ang panawagan ni MMDA Chairman Lim sa kan­yang talumpati, sumu­nod sa batas para maka­bahagi sa pag-unlad ng bansa.

(ROMMEL SALES)

 

 

About Rommel Sales

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *