Thursday , September 20 2018
Breaking News
You are here: Home / Showbiz / Baby Go, may bagong movie company at contract stars
Baby Go, may bagong movie company at contract stars

Baby Go, may bagong movie company at contract stars

PATULOY sa paghataw ang masipag at workaholic na movie producer/businesswoman na si Ms. Baby Go. Ngayon ay dala­wa na ang movie company niya, bukod kasi sa BG Productions International ay itinatag na rin niya ang Global Films Production International Inc.

Ayon sa lady boss ng natu­rang film outfit, “BG Productions is not closing its doors to film production. We will be doing well-crafted movies and potential award-winning movies that we will send to compete in film festivals abroad. Global Films Production Intl. Inc. will focus in doing commercial films or mainstream movies that also has quality and will cater to the local audiences.”

Dagdag niya, “Abangan na lang natin, itong taon ang aking mga pasabog sa bago kong company. Of course, maraming stars dito, malalaking stars talaga pero hindi ko muna puwedeng sabihin dahil kapag sinasabi ay nauudlot, e. Pero bahala na ang ating Panginoon kung saan niya ako dadalhin.”

Ayon naman sa VP ng BG Productions na si Ms. Jean Go Marasigan, “Itinayo ang bagong movie company para ma-dis­tinguish sa indie at mainstream. Kasi, kilala na ang BG sa pa­giging indie movie company, tatak na niya iyon e. Iyong Global Films ay talagang pang-mainstream naman.”

Susunod na aabangang pelikula sa movie company ni Ms. Baby ang Latay sa direksiyon ni Ralston Jover na pinagbibidahan nina Allen Dizon at Lovi Poe with Snooky Serna at Mariel de Leon, at ang School Service ni Direk Louie Ignacio. Ito ay tinatam­pukan nina Ai Ai Delas Alas at Joel Lamangan at entry sa Cinemalaya Independent Film Festival 2018. Nasa pre-production stage na ang mga proyekto nina Joel Lamangan, Mel Chionglo, Neal Tan, at Joey Romero.

Bukod sa bagong production company, ipinakikilala rin ang mga bagong talents ng production ni Ms. Go. Kabilang dito sina Jasmine Henry (half Australian at potential beauty queen), ang aktres/producer at MTRCB board member na si Ms. Kate Brios, Angelo Mamay, child star Celine Juan na introducing sa School Service, young singer Renz Buster, Lady Diana, Rhea Usares, ang magkakapatid na sina Wynona Calderon, 18, Woersha Calderon, 15, Walline Calderon 14, Welcy Calderon 10 and Winber Calderon 7 at ang mga kapatid ni Celine Juan na sina Jillian Angel Suan at Jordhen Suan.

ALAM MO NA!
ni Nonie Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved