Thursday , September 20 2018
Breaking News
You are here: Home / News / 2 dalagitang hipag niluray ng bagets
2 dalagitang hipag niluray ng bagets

2 dalagitang hipag niluray ng bagets

ZAMBOANGA CITY – Inaresto ng pulisya ang isang 17-anyos lalaki makaraan gahasain ang kaniyang dalawang hipag na kapwa menor de edad sa lungsod na ito, nitong Miyerkoles ng gabi.

Ayon sa ina ng mga dalagita, naiwan sa kani­lang bahay ang binatilyo at mga bikti­mang edad 13 at 16 dahil may inasi­ka­so siya sa banko kasa­ma ang isa pa niyang anak na misis ng suspek.

Nang makauwi ang ginang, isinumbong uma­no ng dalawang dalagita na pinagsamantalahan sila ng kanilang bayaw habang sila ay natutulog.

Napansin din umano ng nakababatang biktima na dumurugo ang kani­yang pribadong baha­gi ng katawan.

Dinakip ng mga awto­ridad ang suspek sa bahay ng mga biktima. Ang suspek ay nahaharap sa kasong rape.

Malakas ang ebiden­sya dahil napag-alaman sa medico legal na may mga “laceration” sa ari ng magkapatid na bik­tima, ayon sa imbesti­gador na si SPO1 Janet Dacanay Acenas.

Dahil menor de edad ang suspek, pansaman­tala siyang inilagay sa kustodiya ng Department of Social Welfare and Development.

Ililipat siya sa Zam­boanga City Reformatory Center sa kaniyang ika-18 kaarawan sa susunod na buwan.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved