Wednesday , November 14 2018
Breaking News
You are here: Home / News / Sumaksak kay Jeron Teng, 2 cagers inasunto
Sumaksak kay Jeron Teng, 2 cagers inasunto

Sumaksak kay Jeron Teng, 2 cagers inasunto

SINAMPAHAN ng kaso sa Taguig City Prose­cutor’s Office ang dala­wang suspek na sumak­sak at nakasugat sa Alaska Aces guard na si Jeron Teng at sa dalawa niyang teammate sa De La Salle University, sa nangyaring gulo sa labas ng night bar sa Bonifacio Global City ,Taguig City, nitong Linggo ng mada­ling-araw

Nagpapagaling sa Saint Luke’s Medical Center Global City ang biktimang si Teng, 24, residente sa Mandalu­yong City, sa tama ng dalawang saksak sa likod at kanang tagiliran.

Sina Norberto Torres, 28, player ng Rain or Shine, at Thomas Christo­pher Torres, 23, dating La Salle guard, residente sa Makati City, ay may bahagyang sugat sa mga braso kaya agad nakala­bas ng ospital.

READ MORE:  Pinay pinalaya ng ASG (Negosasyon ni Duterte para sa Norwegian tuloy)

Isinailalim sa inquest proceeding sa Taguig City Prosecutor’s Office kaha­pon, dakong 11:00 am, ang dalawang suspek na sina Edmar Manalo, 40, Fil-Am, nakatira sa Arizona Ave., Milipitas, California; at Willard Balisi, 38, residente  sa Country Homes, Putatan, Muntinlupa City.

Kinasuhan ng physi­cal injury si Manalo habang si Balisi ay frustrated homicide.

Pinalaya si Joseph Varona, 33, residente sa Monte De Piedad, Para­ña­­que City, nang napatu­n­ayang umawat lamang siya sa nangyaring gulo.

READ MORE:  Call center agent natagpuang patay sa gusali ng Makati

Ayon kay Taguig City Police chief, S/Supt. Alexander Santos, sa kanilang imbestigasyon at sa nakuhang pahayag sa ilang mga testigo, sa loob pa lamang umano ng Early Night Club Fort Strip sa BGC ay nagka­kaasaran at nagkaka­initan na umano ang grupo ni Teng at grupo ng mga suspek.

Sinasabing masama ang tingin ng mga suspek sa kasamang babae ni Teng na si Jeanine Tsoi.

Inilayo ni Teng ang kasamang babae para maiwasan ang gulo.

READ MORE:  PNA naiskupan sa Faeldon’s exposé story? (‘Kill the story ops’ buking)

Nang lumabas sina Teng dakong 2:30 am, nadaanan nila ang mga suspek sa parking lot ng club at sumisi­gaw ng ”Pa-autograph naman sa inyo.”

Ngunit nairita umano ang mga suspek dahil tinanggihan sila ni Teng.

Sa puntong ito nagka­roon ng pagtatalo ang dalawang grupo na pawang nakainom.

Lingid sa kaalaman ni Teng ay armado ng pata­lim ang mga suspek at sila ay inundayan ng saksak.

Agad dinala sa natur­ang pagamutan si Teng at ang dalawa pa niyang kasamahan.

(JAJA GARCIA)

COMMENTS

About Jaja Garcia

Scroll To Top
 

Copyright hatawtabloid.com | All Rights Reserved