Saturday , September 22 2018
Breaking News
You are here: Home / Showbiz / Marawi ni Piolo, ibebenta sa abroad
Marawi ni Piolo, ibebenta sa abroad

Marawi ni Piolo, ibebenta sa abroad

APAT ang pelikulang ginagawa ni Piolo Pascual kasama rito ang Marawi na mismong sa Marawi City nila kinukunan. Kasama rito ni Piolo si Robin Padilla at ito’y mula sa Spring Films, na isa sa may-ari ay ang Kapamilya actor.

Kabilang din sa apat ang launching movie nina Iñigo Pascual at Maris Racal, ang animation movie na Hayop Ka!.

At ang ikatlo ay ang Cinemalaya entry na Kuya Wes na pagbibidahan naman ni Ogie Alcasid.

Ani Piolo, “We’re selling it (Marawi) abroad at maraming distributor ang interesado. Ipapasok din namin sa Toronto Film Festival at Sundance Film Festival.

“After that, we’re going to show the movie here in September. Ayaw naming padala sa playdate.”

Sa rami ng ginagawa ni Piolo, hindi halata ang pagkapagod sa kanya. ‘Ika nga ng ibang mga kasamahan sa panulat, tila hindi tumatanda ang actor. Ang sikreto, ang pag-inom ng collagen.

Anang actor, ito ang sikreto niya para mapalitan ang mga nawalang nutrient sa katawan niya.

Kuwento ni Piolo sa paglulunsad ng bagong ineendoso niyang produkto, ang My Daily Collagen, dalawang klaseng collagen ang ibinigay sa kanya, at ang My Daily Collagen ang napili niya.

Dahilan ng actor, maganda ang CEO ng Global Wellness Enterprises, si Anna Perez. “At saka purely Pinoy ang company,” giit ng actor.

At dahil sa pag-inom ng My Daily Collagen tuwing gabi o bago matulog, nakararamdam siya ng malaking pagbabago sa katawan.

Natikman namin ang My Daily Collagen, at masarap siya dahil sa may lasang mangga. Mabibili ito sa halagang P149 kada botelya at mabibili sa Mercury Drug, Rose Pharmacy, at South Star Drug nationwide.

SHOWBIZ KONEK
ni Maricris Valdez Nicasio

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved