Tuesday , December 11 2018
Breaking News
You are here: Home / News / Halik ni Duterte sa labi ng Pinay binatikos sa social media
Halik ni Duterte sa labi ng Pinay binatikos sa social media

Halik ni Duterte sa labi ng Pinay binatikos sa social media

MARIING binatikos ng ilang dating opisyal ang paghalik ni Pangulong Rodrigo Duterte sa isang babae habang nasa isang pagtiti­pon sa Seoul, South Korea.

Sabi ni dating Bayan Muna Rep. Teddy Casiño, mistulang ‘dirty old man’ o DOM si Duterte sa kaniyang iniasal sa harap ng Filipino community sa South Korea.

“‘Pag presidente ka, dapat ‘di ka komedyante, hindi komedyanteng DOM [dirty old man] ang asta. Siguro ang audience tinatrato lang ‘yang form of entertainment, nakatutuwa but ang may pangunahing kasalanan diyan si Pangulong Duterte mismo ‘di naman niya dapat ginawa ‘yong gano’n,” ani Casiño.

READ MORE:  Tax incentive management pirmado na ni PNoy

Hinikayat naman ni dating Senador Rene Saguisag si Duterte na mas maging mabuting ehemplo sa kabataan.

“He’s a role model kasi, kung ginagawa ‘yan nakikita ng kabataan they think it’s OK… that’s a very bad example for children and grandchildren. A president should never take the low road,” ani Saguisag.

Kinastigo ni Sister Mary John Mananzan ang ikinilos ng Pangulo dahil aniya, hindi naman kayang pumalag ng babae laban sa pangulo.

“Talagang ‘yong babae helpless. She cannot really refuse kasi may power relationship ‘yan e… I’m so sick and tired really kasi talagang wala siyang re­gard for decorum for what is expected of a public appearance of a president,” ani Mananzan.

READ MORE:  Janet napoles inabsuwelto ng CA (Sa kasong illegal detention)

Samantala, nanindigan ang babaeng hinalikan ni Duterte na “walang malisya” ang nangyari.

Sa isang video ng panayam, na ini-upload ng Philippine News Agency (PNA), sinabi ng hinalikang ginang na si Bea Kim na masaya siya sa “once-in-a-lifetime” na pagkakataong mahalikan ng Pangulo.

“Di ko ma-explain ‘yong parang kinakabahan ako, natatakot ako, excited, thank­ful, happy ako, kasi parang it’s a once-in-a-lifetime experience kasi ‘yon ‘di ba. Kahit nasa Filipinas ka, parang suntok sa buwan na makita mo nang malapitan talaga ‘yong President,” ani Bea Kim.

READ MORE:  Anak ng tserman patay sa ambush

Ikinuwento rin ng ginang kung paano nauwi sa halik ang mabilisan nilang paghaharap ng pangulo.

“Walang malisya ‘yon. Si President nagsabi na tinanong niya ‘ko, ‘single ka ba o married?’ Sinabi ko po ‘married po ako sa Koreano, mayroon po akong dala­wang anak.’ Tapos ‘yon, parang ginawan lang namin na, ‘yong kiss, parang twist lang ‘yon, pampakilig sa mga audience.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved