Monday , October 22 2018
Breaking News
You are here: Home / Bulabugin / Mag-ingat sa scam huwag masilaw sa dobleng ‘income’
Mag-ingat sa scam huwag masilaw sa dobleng ‘income’

Mag-ingat sa scam huwag masilaw sa dobleng ‘income’

BABALA sa lahat ng mga naniniwalang mabilis kumita ng pera kahit walang pagod at hirap.

Sa mga naniniwalang ang kanilang nakatagong pera sa banko ay kikita nang malaki at doble sa mga iniaalok sa kanilang ‘investment’ e mag-isip-isip po kayong mabuti.

Totoong napakaliit ng interes sa banko kung doon lamang nakalagak ang pera ninyo pero huwag naman kayong maniniwala na kikita nang doble, agad-agad kapag nag invest kayo sa kanila.

Kahit po sa 5/6 hindi agad kikita nang kalahati ang mga pera ninyo, diyan pa kaya sa investment na hindi naman ninyo alam kung paano lalago ang pera ninyo.

READ MORE:  Ang ikalawang SONA ni pangulong Digong

Sa lotto lang po nangyayari ang jackpot, pero tsambahan pa.

Gaya na lang ng mga naloko nitong si Margarita Huang alyas Irma Pascual na sinabing nakagoyo ng P130.5 milyones sa mga ‘investor’ na napaniwala nila.

Ibang klase ang estilo ni Huang. Ang pina­kamababang hinihingi sa investor ay P250,000. Ang alok ay 6% hanggang 50% ang kikitain ng investment nila.

O ‘di ba, sino ba naman ang hindi mararahuyo nitong si Buang ‘este Huang sa kanyang alok.

Sa umpisa, pakikitain ni Huang ang investor pero habang tumatagal pati ‘yung investment nalulusaw na rin.

At dahil kumita nga, mang-aalok sa mga kaibigan at kaanak para ‘makakurot’ sa kikitain ng bagong investor.

READ MORE:  Immigration alyas Bayaw overacting o over-sipsip sa kanyang bossing?!

Pero hindi naman daw tanggap nang tanggap si Buang ‘este Huang ng investment. Ang estilo nito medyo pihikan at suplada pa.

Hindi raw siya basta tumatanggap ng investment. Tatanggap lang daw siya kapag may nag-full-out na at kailangan munang interbyuhin ang nais mag-invest.

O ibang klase ‘di ba?

Kaya lalong nagkainteres mag-invest ang mga gustong madoble ang pera nila.

Pero ‘yan sa bandang huli, umabot na pala sa P130.5 milyones ang nasikwat nila sa mga investor na halos inipon nang kung ilang taon ang pera nila pero maloloko lang pala ng isang buang na gaya ni Huang.

READ MORE:  Baha sa Muelle del Rio sa ilalim ng Jones Bridge sino ang dapat humigop? (Paging MMDA, Paging DPWH)

Kaya ngayon, ‘yung mga nag-alok sa mga kaibigan at kaanak na mag-invest kay Huang, sila ngayon ang sinisingil ng mga inalok nila.

Moral lesson po: huwag kayong basta maniwala sa mga ganyang investment. Kung hindi ninyo kayang mag-hands-on sa negosyo, esep-esep po muna bago mag-invest at huwag masilaw sa mga alok na next to impossible.

Sabi nga, ang naghahangad ng kagitna, sangsalop ang nawawala.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved