Friday , March 29 2024

Marlo Mortel, excited na sa kanyang first solo album!

IPINAHAYAG ni Marlo na excited na siya sa paglabas ng kanyang first ever solo album mula Star Music at Mercator Incorporated ng manager niyang si Jonas Gaffud. Nabanggit din ni Marlo na sa ngayon ay mas tututukan niya ang singing career sa nalalapit na paglabas ng kan­yang solo album.

Esplika niya, “Etong album ko na ito ang pinakamalapit sa heart ko dahil ako ang gumawa ng mga kanta and no doubt, magaganda talaga (siya), for sure. Ipa-promise ko iyon.”

Masasabing isang col­lector’s item ang naturang album ni Marlo, kaya hindi ito dapat palagpasin lalo ng avid followers niya dahil bukod sa konektado ito sa kanyang buhay, siya ang sumulat sa lahat ng kantang nakapaloob sa nasabing album. Idinagdag niyang, “It’s a piece of me, kasi it’s my life talaga.”

Ayon kay Marlo, ang album, niyang ito ay parang kuwento raw ng mga totoong mga pang­yayari sa kanyang buhay. Originally, limang kanta lang dapat ang magiging laman ng album niya, pero pinadagdagan pa ng Star Music dahil nagan­dahan sila sa mga na-compose niyang piyesa.

Nang tanungin namin kung first time lang ba na maglalabas ang isang artist ng album na siya rin mismo ang nag-compose ng lahat ng kanta rito, ang sagot niya ay, “Hindi ko po alam, pero ayun nga, ako ang nag-compose ng lahat ng songs dito. Related siya sa love story ko, hahaha!” Nakatawang tugon niya.

Hindi pa raw niya puwedeng sabihin sa ngayon ang laman ng album niya, kaya hindi niya matukoy ang pinaka-paborito niyang cuts dito.

“Hindi ko pa puwedeng sabihin dahil hindi pa out (iyong album), pero alam ko na ‘yung line-up. Then, siyempre pinaka-espesyal ‘yung song sa mommy ko. Dapat hindi talaga kasama ‘yun e, ‘yung sa mommy ko. Kasi nga parang iyon ‘yung mga time na super hirap na hirap na ako, kaya nakagawa ako ng kanta,” seryosong esplika ni Marlo.

Nagpapasalamat din si Marlo sa lahat ng mga sumusuporta sa kanya, kabilang na ang ABS CBN, specially ang fans club niyang Marlo’s World (na nagdiwang recently ng kanilang 5th anniversary) sa walang sawang pagbibigay sa kanya ng unconditional love and support.

Incidentally, huwag palam­pasin ang MMK this Saturday sa natatanging episode na mapa­panood si Marlo with McCoy de Leon at iba pa, bilang apat na magkakapatid na lahat ay may Parkinson’s disease. Si Marlo ay regular ding napapanood bilang segment host sa Umagang Kay Ganda.

ALAM MO NA!
ni Nonie Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *