Friday , September 21 2018
Breaking News
You are here: Home / Showbiz / Sid & Aya ni Direk Irene, kahanga-hanga
Sid & Aya ni Direk Irene, kahanga-hanga

Sid & Aya ni Direk Irene, kahanga-hanga

PANALO si Direk Irene Villamor sa paglalahad ng bago niyang obra, ang Sid & Aya: Not A Love Story na pinag­bibidahan nina Dingdong Dantes at Anne Curtis, handog ng Viva Films at N2 Pro­ductions. Mapa­panood na ito simula ngayong araw.

Sa mga naunang idinirehe ni Villamor, ang Camp Sawi at St. Gallen, itong Sid & Aya ang pinakanagustuhan namin. Bukod sa istorya na binigyan niya ng bagong timpla, humanga kami agad sa pagsisimula ng pelikula. Ito iyong top shots sa lugar ng pinagtatrabahuhan ni Dingdong. Gandang-ganda kami sa mga kuha niya sa maraming lugar.

Tiyak na mai-inlove ang sinumang manonood ng Sid & Aya kahit mula sa titulo nito’y hindi ito isang love story.

Mahal na mahal ng kamera kapwa sina Dingdong at Anne lalo na sa bandang huli ng istorya. Animo’y international model si Anne habang ito’y nasa Japan. Kitang-kita naman ang kakisigan ni Dingdong at bumagay ang buhok niya sa muling pagkikita ng dalawa sa ‘Pinas.

Samantala, naging matagumpay ang red carpet screening na ginanap sa Trinoma noong Lunes. Sinuportahan sina Dingdong at Anne ng kani-kanilang mga kaibigan at kapamilya tulad nina Vice Ganda, Marian Rivera, Jasmine Curtis-Smith at marami pang iba. Naroon din si Angel Locsin na sinuportahan naman ang BF-producer na si Neil Arce (isa sa may-ari ng N2 Productions).

Rated PG ang Sid & Aya: Not A Love Story na palabas na ngayon sa mga sinehan.

SHOWBIZ KONEK
ni Maricris Valdez Nicasio

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved