Friday , September 21 2018
Breaking News
You are here: Home / News / Tserman kritikal sa boga (Sa Pasay City)
Tserman kritikal sa boga (Sa Pasay City)

Tserman kritikal sa boga (Sa Pasay City)

INOOBSERBAHAN sa pagamutan ang isang barangay chairwoman ma­karaan barilin ng nag-iisang gunman sa Pasay City, nitong Sabado ng hapon.

Nakaratay sa Manila Adventist Hospital ang biktimang si Teresita Biscocho, 59, chairwoman ng Brgy. 1, Zone 1, at residente sa 1739 Cuyeg­keng St., F.B. Harrison ng lungsod.

Ayon sa ulat, binubu­sisi ng pulisya ang CCTV footage para sa pagkaka­kilanlan ng gunman na may taas na 5’5, kayu­manggi, nakasuot ng itim na helmet, naka-sunglass, rubber shoes at lulan ng MIO scooter na pula at walang plaka.

Sa report na natang­gap ni Pasay City Police chief, S/Supt. Noel Flores, nakita sa CCTV camera na dakong 1:10 pm, mula sa Southbound ng F.B. Harrison, kumanan ang isang motorsiklo lulan ang suspek sa Layug St., at kumanan muli sa Cuyegkeng St.

Sinasabing may hina­hanap umano ang suspek at nang hindi niya makita ang target ay umikot muli at bumalik upang alamin kung naroroon na ang kanyang hinahanap.

Nang mamataan ang target na naghuhugas ng pinggan sa tabi ng ba­rangay hall, agad bumu­not ng baril ang suspek at tatlong beses na pinapu­tukan ang biktima.

Ayon kay S/Insp. Wilfredo Sangel, hindi pa nagbibigay ng anomang pahayag ang pamilya ni Biscocho dahil abala sa pag-aasikaso sa biktima.

Dagdag ni Sangel, ilan sa mga kaibigan ng biktima ang nagpahayag sa imbestigador na may natatanggap na banta sa buhay ang biktima.

“Lahat ng posibleng motibo ay aming tiniting­nan,” ani S/Insp. Sangel.

(JAJA GARCIA)

COMMENTS

About hataw tabloid

Scroll To Top
 

Copyright hatawtabloid.com | All Rights Reserved