Friday , March 29 2024
Quarry Quarrying

Quarrying sa Montalban iprinotesta

NANAWAGAN ang ilang mga grupo sa pangunguna ng Ba­ngon Kalikasan Montalban at Bantay Kalikasan kasama ang ilang mga pari, pastor at iba pang grupo ng simbahan, kabilang ang homeowners’ associations at transport groups laban sa patuloy na pagkakalbo ng Mount Parawagan.

Apektado ang mga ba­rangay ng Burgos, Manggahan, Balite, San Rafael, San Jose at pinakamalawak sa San Isidro na kontrolado umano ng pamilyang Hernandez.

Nagdaos ng kilos protesta kaninang umaga ang iba’t ibang grupo sa Montalban Town Plaza, sa lalawigan ng Rizal, upang kondenahin ang ilegal na pagmi­mina at quarrying sa nasabing bayan na nakalulusot sa pani­niwalang may proteksyon ni Montalban Mayor Ilyong Hernan­dez at anak na si Vice Mayor Tomtom Hernandez.

Bukod sa mga Hernandez, kanila ding kinondena ang Millex Inc., at Majestic na pag-aari umano ni former Environment secretary Mike Defensor.

“Nakatatakot talaga dahil tanaw lang sa bahay namin ang bundok na ginagawa ang quarrying, kawawa ho kaming mga residente dahil kami ang mapapahamak sakaling mag­karoon ng mga sakuna. Halos walong taon na po nasa panga­nib kaming mga residente ng Montalban kaya panahon na para ipaalam sa kinauukulan,” ani Manny Torres, spokesperson ng nasabing grupo.

Tinutukoy ni Torres ang quarrying na nagaganap sa Mt. Parawagan katabi ang Gloria Vista subdivision at marami pang ibang mga pamayanan sa iba’t ibang barangay na naunang nabanggit.

“Nananawagan ho kami kay Presidente Duterte, DENR Secretary Roy Cimatu at maging kay Governor Ynares na tingnan naman po ang sitwasyon namin dito at ‘wag na tayong maghintay pa ng sakuna bago umaksiyon. Maawa naman po kayo! Buhay at kinabukasan po namin ang nakasalalay dito. Tigilan na ang illegal mining at quarrying dito sa Montalban.”

Ganito rin ang panawagang inihayag nina Fr. Noe Elnar at Atty. Rodolfo Melizza ng Gloria Vista Homeowners’ Association.

(NIÑO ACLAN)

About Niño Aclan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *