Monday , October 22 2018
Breaking News
You are here: Home / Bulabugin / COO Buboy, buhay milyonaryo sa TPB hindi ‘Buhay-Carinderia’

COO Buboy, buhay milyonaryo sa TPB hindi ‘Buhay-Carinderia’

UMAASA tayong taos sa puso ni Tourism Secretary Berna Romulo-Puyat ang kanyang pag-iyak at ito’y hindi ‘luha ng buwaya’ para makahikayat ng awa at simpatiya.
Mahirap din kasing mabansagang ‘iyakin’ Madam Berna. Nakahihiya namang isipin ng mga tao na kinukuha mo lang sa iyak ang simpatiya ng tao.
Anyway, naniniwala tayo sa layunin ni Madam Berna na linisin ang ‘katiwalian’ na pinamuninian ng mga tiwaling opisyal sa Department of Tourism (DOT) at palagay natin ay ganoon din naman ang maraming mamamayan kaya hindi na niya kailangang umiyak sa publiko.
Sino nga naman ang mag-iisip na si Cesar “Buboy” Montano ay masasangkot sa isang nakahihiyang eskandalo na hindi lamang ginawang ‘engot’ ang kanyang sarili kundi ‘ginago’ pa ang mamamayan.
Hindi man lang ba niya naisip na mayroong sinusunod na tuntunin sa paglalabas ng pondo ng pamahalaan?!
Mantakin ninyo, hindi pa nga nauumpisahan ang proyektong “Buhay Caridneria” e binayaran na, in full payment ang P80 milyones?!
Wattafak!
Sino ang mga makikinabang bakit kay bilis ng lagdaan?!
May alam ba talaga sa Buhay Carinderia ang gaya nina Madam Legaspi ng Marylindbert International at ang celebrity na si Erwan Heussaf, Tourism Promotions Board (TPB) chief operating officer (COO) Buboy Montano?!
O baka naman tayong mga Filipino ang kinakarinderia ng mga mokong?!
Mantakin naman ninyo, hindi pa tapos ang project, bayad agad?!
Wattafak again!
Akala natin noong una ay ‘feeding’ program ‘yang Buhay Caridneria na ‘yan, ‘yun pala promotion lang.
Klarong-klaro na sasalok lang ng kuwarta!
Ano ba ‘yan COO Buboy?!
Desmayadong-desmayado ang mga fan mo sa diskarte mo.
Istayl-bulok!
Aba e, parang sariling kuwarta ninyo ang ipinamimigay ninyo.
Kasama nga kayo sa kampanya para kay Tatay Digong noong eleksiyon, ngayon naman mukhang sa ‘pitsaan’ naman kayo sumasama.
Kaya ngayon  ay hugas-kamay si Buboy at kung sino-sino ang itinuturo — gaya ni resigned Tourism chief Wanda.
Tsk tsk tsk…
COMMENTS
READ MORE:  Imbestigahan ng Kongreso delivery services para sa PNP gun license (‘Gumitna’ lang tubong lugaw na?)

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved