Thursday , September 20 2018
Breaking News
You are here: Home / News / Impeachment vs 8 mahistrado ikinokonsidera ng Makabayan Bloc (Sa quo warranto petition)
Impeachment vs 8 mahistrado ikinokonsidera ng Makabayan Bloc (Sa quo warranto petition)

Impeachment vs 8 mahistrado ikinokonsidera ng Makabayan Bloc (Sa quo warranto petition)

PAG-AARALAN ng Makabayan bloc kung susuportahan nila ang plano ng “Magnificent Seven” na maghain ng impeachment complaint laban sa mga mahis­tradong bumoto para masipa sa kanyang po­sisyon si dating Supreme Court Chief Justice Maria Lourdes Sereno.

Sinabi ni Bayan Muna Rep. Carlos Isagani Zarate, titingnan muna nila kung paano mapa­na­nagot ang walong mahis­trado na bumoto pabor sa quo warranto petition laban sa dating chief justice.

Naniniwala si Zarate na sinagasaan ng walong mahistrado ang ka­pangyarihan ng Kongreso na magpatalsik ng isang impeachable official dahil sa ginawa nilang desis­yon.

Ngunit duda si Anak­pawis Party-list Rep. Ariel Casilao na maitu­tulak ang im­peachment sa Kamara dahil mayorya sa mga kongresista ay hawak ng administrasyon na siya umanong nagtu­lak sa quo warranto petition.

Habang sa tingin ng mga miyembro ng Justice Committee na sina AKO BICOL Rep. Rodel Bato­cabe at COOP-NATCO Rep. Anthony Bravo, malabong makakuha ng 98 boto ang oposisyon para maideretso sa Se­nado ang impeachment complaint sa walong ma­histrado sakali mang maihain ito sa kamara.

(JETHRO SINOCRUZ)

COMMENTS

About hataw tabloid

Scroll To Top
 

Copyright hatawtabloid.com | All Rights Reserved