Thursday , September 20 2018
Breaking News
You are here: Home / News / Ellen Adarna inasunto ng child abuse, cybercrime
Ellen Adarna inasunto ng child abuse, cybercrime

Ellen Adarna inasunto ng child abuse, cybercrime

KINASUHAN ang aktres na si Ellen Adarna nitong Martes ng ina ng 17-anyos dalagitang pinaghi­nalaan niyang kumuha ng video habang kumakain siya kasama ng aktor na si John Lloyd Cruz, sa isang restoran sa Makati City.

Nagtungo sa Office of the City Prosecutor sa lungsod ng Pasig si Myra Abo Santos at nagsampa ng kasong child abuse at cyber crime laban kay Adarna.

Noong 4 Mayo, nag-post si Adarna ng video ng anak ni Santos na kinukuhaan umano ng dalagita ng video si Adarna.

Ayon sa caption ni Adarna sa video: “‘Yan ha… You know the feeling… Uncomfy noh? When you PAP us, we PAP you too! Nasa resto e. It’s a tie.”

Gumamit ng hashtag #PaparazziMoves si Adarna sa post.

Gayonman, iginiit ng dalagita sa kaniyang Twitter account na hindi nga niya napansin si Adarna at kinukuhaan niya lang ng video ang kanilang kinakain.

Habang ayon kay Adarna, tama ang kani­yang hinala tungkol sa babaeng kostumer na kinuhaan din niya ng video.

Ilang araw makaraan ang insidente, hiningian ni Santos si Adarna ng isang public apology at sinabing nasaktan ang kanilang pamilya sa ginawa ng aktres.

Itinuloy ng pamilya Santos ang pagsasampa ng reklamo nang hindi tumugon si Adarna sa hinihinging public apology ni Ginang Myra dahil sa maling paratang sa kaniyang menor de edad na anak.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved