3 paslit na mag-uutol patay sa Pasig fire

PATAY ang tatlong bata makaraan matupok sa sunog ang kanilang bahay sa Pasig City, nitong Lunes ng umaga.

Kinilala ang mga biktimang sina Princess Joy Navidas, 7; John Andrew Navidas, 4, at BJ Navidas, 2, residente sa San Isidro St., Centennial 2, Nagpayong 2, Brgy. Pinagbuhatan, Pasig City.

Ayon sa ulat ng mga awtoridad, umalis sa kanilang bahay ang ina ng mga biktima dakong 6:27 ng umaga upang bumili ng pandesal.

Gayonman, iniwan niyang nakabukas ang stove habang nagpapa­kulo ng tubig.

Nang siya’y bumalik nasusunog na ang kani­lang bahay.

Mabilis na nagres­ponde ang mga tauhan ng Pasig Bureau of Fire Protection at iba pang fire volunteers, naapula ang sunog dakong 6:53 ng umaga.

Sa clearing operation, natagpuan ang nasunog na bangkay ng magka­kapatid.

Dalawang bahay ang natupok sa sunog na inaa­lam pa ng mga awtori­dad ang posibleng sanhi at halaga ng napinsalang mga ari-arian.