Friday , March 29 2024

Kasunod na! PhilHealth pupurgahin ni Duterte

PUPURGAHIN ni Pangulong Rodrigo Duterte ang PhilHealth upang mai­pagkaloob ang universal health care sa mga Filipino.

Sinabi ni Presidential Spokesman Harry Roque, iimbestigahan ni Pangulong Duterte ang napaulat na  Commission on Audit (COA) report na P627,000 travel expenses ni officer-in-charge Celestina dela Serna at ang pagkalugi ng ahensiya ng P9-B.

“Well, alam ko po iimbestigahan din po iyan ng Presidente ‘no. Dahil prayoridad po talaga ng Presidente na magbigay ng universal health care at talagang kung hindi po malilinis ang hanay ng PhilHealth, hindi po (magkakatuparan) itong universal health care. So ito lang po ang maipapangako ko po: Talagang bibigyan po ng importansiya ang paglilinis sa hanay ng PhilHealth,” ani Roque.

Sa liham ng Philhealth Workers for Hope, Integrity, Transparency and Empowerment (Philhealth WHITE) kay Pangulong Duterte, idinetalye ang pagmamalabis sa tungkulin at panunupil sa kanilang hanay.

Kabilang sa mga isiniwalat ng mga empleyado at kawani ang paglalagak ng P900-milyon mula sa isang bilyong pisong Externally Managed Fund (EMF) sa common stocks na labag sa Section 27 (d) ng Republic Act 10606 o Philhealth Charter, na nagtatakda na dapat ay sa preferred stocks puwedeng i-invest ang EMF.

Ang pag-i-invest ng EMF sa common stocks ay nagresulta sa pagka­lugi ng P116 milyon, batay sa income statement.

Ito anila ay nakasaad sa COA Audit Observation Memoramdum noong 23 Marso 2017 na isa sa mga naging isyu sa confirmation hearing ni dating Health Secretary Paulyn Ubial.

Nabatid sa Philhealth WHITE na pinayagan nina Dela Serna at PHICEA President Esperanza Ocampo ang ilegal na pagpataw ng P2,000 na 10% agency fee sa 2016 at 2017 collective negotiation agreement (CNA) incentive na nagkakahalaga ng P20,000 noong nakalipas na Enero 2017 sa 3,500 casual employees na umabot sa P16-M.

Dahil anila sa pagbisto nila sa mga nasabing anomalya sa Philhealth, sila pa ang sinampahan ng mga kasong administratibo ng mga opisyal at hindi sila binigyan ng CNA incentives.

ni ROSE NOVENARIO

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *