Thursday , November 15 2018
Breaking News
You are here: Home / Showbiz / Krystal Brimmer, walang arteng nagpakalbo
Krystal Brimmer, walang arteng nagpakalbo

Krystal Brimmer, walang arteng nagpakalbo

TUMANGKAD at dalagita na si Krystal Brimmer kaya hindi namin siya nakilala sa ginanap na mediacon ng So Connected noong Huwebes, Mayo 3, sa Valencia Events.

Kung hindi pa namin napanood ang Your Face Sounds Familiar nitong Sabado, Mayo 5, na isa si Krystal at binanggit kung ano-ano ang naging projects niya ay at saka lang namin siya natandaan.

Si Krystal ang gumanap na batang anak nina John Lloyd Cruz at Meryl Soriano sa pelikulang Honor Thy Father (2015) na idinirehe ni Erik Matti at siya ang batang kinalbo bagay na hinangaan din ng lahat ang husay sa pag-arte kaya naman nanalo siya bilang Best Child Performer.

READ MORE:  Maricar Reyes, peg maging GF ni Erik Santos

Hindi lang sa pelikula at telebisyon kilala si Krystal kundi sa teatro rin dahil maraming musical play na rin ang nilabasan niya bilang bida tulad ng Annie at iba pa.

Going back to So Connected, gagampanan ni Krystal ang karakter na Kate na kapatid ni Jameson Blake as Karter at masaya ang bagets na napasama siya sa pelikula dahil nag-enjoy siyang kasama ang lahat dahil naging mga ate at kuya niya.

READ MORE:  It’s not the monetary thing, kundi ‘yung maging proud (Sa mga batang napipili sa LBS)

At dahil bata pa si Krystal sa edad na 11 kaya hindi pa siya pinayagang sumagot kung naniniwala siya sa ‘soulmate’ na kuwento ng pelikula nilang So Connected.

Suportado si Krystal ng magulang niya dahil kasama niya sa mediacon ng pelikula niya sa Regal Films.

READ MORE:  Ratings ng Eat Bulaga sa Mega Manila ilang dekada nang namamayani sa ere

Mapapanood ang So Connected sa Mayo 23 na idinirehe ni Jason Paul Laxamana at produced ng Regal Films.

Samantala, napuri nang husto si Krystal nina Sharon Cuneta, Ogie Alcasid, at Gary Valenciano sa napakahusay niyang panggagaya kay Miley Cyrus sa awiting Wrecking Ball.

Hmm, kung magtutuloy-tuloy ang magandang record na ito ni Krystal ay posibleng siya ang manalo sa Your Face Sounds Familiar Season 2.

FACT SHEET
ni Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved