Sunday , November 18 2018
Breaking News
You are here: Home / Showbiz / Train Station, mapapanood na sa selected SM Cinemas
Train Station, mapapanood na sa selected SM Cinemas

Train Station, mapapanood na sa selected SM Cinemas

NAGKAROON ng special screening ang Train Station last April 24 sa Cinematheque Center Manila ng FDCP. Present sa presscon ang Pinoy director na si Michael Vincent Mercado at Pinay actress na si Claudia Enriquez, para i-represent ang Philippine Segment ng pelikula kasama ang UK Director na si Craig Lines.

Mapapanood na ang award-winning international movie na prodyus ng CollabFeature. Ipalalabas ito sa selected SM Cinemas simula ngayong May 4 sa tulong ng Film Development Council of the Philippines (FDCP). Ang Train Station ay nanalo ng 15 international awards at may multiple entries sa Guinness World Records-Most Directors of a Feature Film (40 filmmakers), Most Female Directors of a Feature Film, Most Language spoken in a Feature Film, Most Country Location of a Feature Film (25 countries including the Philippines), at Most Number of Actors in the Lead Role.

READ MORE:  Piolo, babawi sa pagsasamahang pelikula nila ni Toni

Ikinuwento ni Direk Michael kung paano siya naging bahagi sa international collaboration project na ito. “Iyong project kasi internship ko noong 2012 sa UP Film Institute. So, naghanap ako ng pag-iinternan. May nag-email sa akin at ini-recommend ako. I contacted Loh Yin San ng Malaysia. Originally, part siya ng project, e nagkasakit siya. Dapat magsu-shoot siya rito sa Filipinas, e kailangan niyang bumalik ng Malaysia kasi nagkasakit siya. Dapat tutulong lang ako sa kanya, pero noong nagkasakit siya, ako na ang nag-take over sa project.”

READ MORE:  Jessy, madalas regaluhan ni Jake ng signature bags and shoes

Estudyante pa noon ang theater actress na si Claudia sa College of St. Benilde nang mahanap siya at mapabilang sa cast.

Ano ang pakiramdam nila na mapapanood na ng mga kababayan natin sa Filipinas ang Train Station? Saad ni Direk Michael, “Super proud of the project kasi represented ang Filipinas sa movie. Sana magustuhan ng mga Filipino.”

READ MORE:  Bistek, naiyak at sobrang proud sa galing ng anak na si Harvey

Ayon naman kay Claudia, “Super excited ako, especially ngayon na napanood na namin. Ngayon lang namin napanood nang buo, nakaka-proud.”

Mapapanood ang Train Station sa walong SM Cinemas-SM Mall of Asia, SM Megamall, SM North EDSA, SM Fairview, SM Sta. Mesa, SM Southmall, SM Manila, at SM Bacoor.

ALAM MO NA!
ni Nonie Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved