Sunday , September 23 2018
Breaking News
You are here: Home / News / Bebot itinumba habang naglalaba (Bagong laya)
Bebot itinumba habang naglalaba (Bagong laya)

Bebot itinumba habang naglalaba (Bagong laya)

PATAY ang isang ginang na kalalabas mula sa kulungan makaraan pagbabarilin habang naglalaba kasama ang anak sa Quezon City, kahapon ng madaling-araw.

Sa ulat kay Quezon City Police District director, C/Supt. Guillermo Lorenzo T. Eleazar, kinilala ang biktimang si Rosana Purificacion Crisostomo, 50, residente sa 11 Freedom Park Ext., Brgy. Batasan Hills, Quezon City.

READ MORE:  Bong Revilla na-high blood, no show sa plunder trial

Ayon kay Supt. Rodel Marcelo, hepe ng QCPD Criminal Investigation and Detection Unit (CIDU), naganap ang insidente dakong 12:05 am sa harapan ng bahay ng biktima.

Batay sa pahayag ni Renuel, anak ng biktima, tinutulungan niya sa paglalaba ang kaniyang na-nay nang huminto mula sa  harapan ng kanilang bahay ang isang puting Mitsubishi L300 FB na walang plaka at may sakay na tatlo katao.

READ MORE:  Kotse ‘nilamon’ ng rumaragasang bus, driver sugatan (Sa biglaang preno)

Binuksan ng lalaking nakaupo sa tabi ng driver ang bintana ng sasakyan at pinaputukan ang biktima.

READ MORE:  PNoy sinalubong ng protesta sa PMA graduation

Bagama’t duguan nang nakahadusay ang biktima, muli siyang pinagbabaril ng isa pang suspek bago tuluyang tumakas.

Masuwerteng hindi tinamaan ng bala ang anak ng biktima sa insidente.

Napag-alaman, kalalabas sa piitan ng ginang dahil sa paggamit ng ilegal na droga. (ALMAR DANGUILAN)

COMMENTS

About Almar Danguilan

Scroll To Top
 

Copyright hatawtabloid.com | All Rights Reserved