Tuesday , September 25 2018
Breaking News
You are here: Home / Showbiz / CineFilipino Film Festival 2018, inilabas na ang mga entry
CineFilipino Film Festival 2018, inilabas na ang mga entry

CineFilipino Film Festival 2018, inilabas na ang mga entry

LIMANG taon matapos ang debut nito sa showbiz industry, ang CineFilipino Film Festival (CFFF) ay patuloy na nagtatampok sa mga bagong filmmakers na naghahatid ng mga magagandang obra kahit sa limitadong budget. Itinayo ng Cignal TV at Unitel Productions, Inc., ang CFFF ay inilabas na ang kanilang finalists para sa taong ito.

Walong pelikula ang maghahari sa CineFilipino Film Festival na mag-uumpisa sa Mayo 8 at magtatapos sa Mayo 15.

Ang walong feature length films na kasali ay ang Delia & Sammy na idinirehe ni Theresa Cayaba; Excuse Me Po ni Ronald EspinosaBatallones; Gusto Kita With All My Hypothalamus ni Dwein Baltazar; Hitboy ni Boy Ocampo; Mata Tapang ni Rod Marmol; Mga Mister ni Rosario ni Allan Habon; Poon ni Ronie Supangan; at The Eternity Between Seconds ni Alec Figuracion.

READ MORE:  Ama ng kalokalike ni Vhong, 53 ang asawa

“We have five new filmmakers and three who have done feature-length films in other festivals. With this line up you can expect a rollercoaster of emotions in every frame,” sambit ni Unitel Productions and Straight Shooters President at CEO, Madonna Tarrayo na siya ring director ng CFFF.

READ MORE:  Janice, aminadong may mga nanliligaw

Hindi rin naitago ni Tarrayo ang kasiyahan sa mga naggagandahang entries ngayong taon dahil ang mga finalist ay nagpapakita ng freshness of approach, strong potential for audience engagement, mass friendly na hindi naisasakripisyo ang kalidad, at commercially viable.

Malaki naman ang tiwala ni Cignal TV President Jane Basas na tatangkilikin ng publiko ang mga pelikulang kasali sa CFFF.

READ MORE:  Tomboyserye ni Marian, ‘di na raw tuloy; Direk Dominic, na-badtrip

Inihayag din ng CFFF ang pakikipagtulungan sa kanila ng Film Development Council of the Philippines sa pangunguna ng chairman nitong si Liza Dino-Seguerra.

Samantala, mapapanood ang mga pelikulang ito sa mga piling sinehan tulad sa Gateway Cinemas, SM Cinemas, at Ayala Malls. Gagawin naman ang grand awards night sa Kia Theater sa Mayo 12.

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved