Thursday , October 18 2018
Breaking News
You are here: Home / Opinion / Bumangon ang UST sa BAR examination
Bumangon ang UST sa BAR examination

Bumangon ang UST sa BAR examination

SANDALING ‘namatay’ ang University of Santo Tomas sa larangan ng law school, dahil sa pagkamatay sa hazing ng isang estudyanteng si Horacio, ngunit muling nabuhay ang UST nang maraming nakapasa sa nakalipas na Bar examinations.
Napansin ng lahat na puro sa probinsiya ang nakapasa at kung mayroon man sa Kalakhang Maynila, halos puro take 2, take 3 at mayroon pa na take 5 ang nakapasa.

****
Sadya yatang pinakamahirap ang BAR. Apat na weekend ang eksaminasyon na ngayon ay sa UST na idinaraos matapos ang insidente ng pambobomba sa Las Salle, Taft Ave., Malate, Maynila.
Nagtataka ba kayo kung bakit sa unibersidad na ito pinakamarami yatang nakapasa? Ang kilalang unibersidad na University of the Philippines pang-labinsiyam  sa top, grabe ‘di ba?
Sa mahigit na 6,000 BAR examinees, 25 percent lamang ang nakapasa. Wow ang tindi!

READ MORE:  Bakit walang cold storage warehouse ang BOC?

* * * *
Sabi ng mga lawyer ng Divina Law Office, hindi porke ‘di nakapapasa, bobo na, sadyang pinakamahirap talaga ang BAR exam. ‘Yung mga nakikita natin at naririnig na mga bigating abogado, fiscal at judge, sila man ay nagsabi na ilan sa kanila ay take two. Kaya sa mga hindi nakapasa ngayon take nang take lang hanggang makapasa!

KAMPANYAHAN RATSADA NA
SA BARANGAY
Paano kung sa pagbubulgar ng Philippine Drug Enforcement Agency PDEA sa barangay officials  na nasa drug watchlist ay muling kakandidato? Idi-disqualify ba sila? O paghimok lang ito sa mga botante para hindi iboto? Hindi kasi klaro ang anunsiyo ng PDEA.
Sa lungsod ng Pasay umano ang may pina-kamaraming sangkot sa ilegal na droga, kumanididato pa kaya sila?
* * * *
Hindi baleng napatay sa Oplan Tokhang noon, kaysa naman kasama pala ang pangalan sa listahan ng drug watchlist. Buhay pa sinusunog na ng mga constituents, ‘di ba?
“Ang kapal naman ng mukha ng isang kasama sa drug watchlist na kumandidato pa!”
Bulong ‘yan ng source ko riyan sa Tramo St., ang pinakamaraming barangay officials na nasa listahan  ng PDEA.
Abangan!

READ MORE:  Afuang at Margallo nagsama “forum on drugs & criminality”
READ MORE:  Filipino mas ginagamit ang puso kaysa utak

MMDA NINGAS KUGON

Sa lungsod ng Pasay, panay ang operate ng mga tauhan ng MMDA sa mga illegal parking, iba’t ibang behikulo na nakaparke sa tapat ng establisiyemento. Ngunit ang mga traysikel na nakabalandra at ginagawang terminal ang kalsada bakit hindi hinuhuli o itino-towing?
Parang nakapagtataka Chairman Danny Lim, mukhang may lagay sa inyo ang mga TODA sa lungsod ng Pasay. Nagtatanong lang po!
Kung wala naman bakit hindi hinuhuli o sinasakay ng towing services na bitbit ng MMDA? Ang lungsod ng Pasay ang pinakamaraming TODA at pinakamahal ang pasahe!

COMMENTS

About Amor Virata

Scroll To Top
 

Copyright hatawtabloid.com | All Rights Reserved