Friday , November 16 2018
Breaking News
You are here: Home / Showbiz / GMA Artist Center, deadma sa bastos na handler
GMA Artist Center, deadma sa bastos na handler

GMA Artist Center, deadma sa bastos na handler

DEADMA pala ang GMA Artist Center head na si Miss Gigi Santiago sa handler o alalay ni Alden Richards na si Leysam Sanciangco sa ginawa nitong pambabatos sa aming patnugot dito sa Hataw na si Maricris Nicasio noong Miyerkoles, Abril 18.

Sa ginanap na mall show ni Alden nitong Linggo, Abril 22 sa SM Megamall para sa Cookie’s Peanut Butter ay binigyan ng aktor ng bouquet of flowers ang aming patnugot at parang nangingilid ang luha na humingi ng dispensa at nagpaliwanag sa ginawa ng handler niyang si Leysam.

READ MORE:  Sam, may follow-up teleserye na!

Hindi isinama ni Alden sa nasabing mall show ang kanyang handler bilang parusa na ipinagtataka namin dahil ang artista pa mismo ng GMA 7 ang nagbigay ng sanction sa handler niya imbes na ang head ng Artist Center?

Hindi ba sagot ng Artist Center ang lahat ng handlers nila dahil sila ang kompanyang nagpapasuweldo? Maliban na lang kung si Alden ang nagpapasuweldo sa alalay niya.

READ MORE:  Heart at Cesca, nag-usap na

Nasa mall show kasi ang head ng GMA Artist Center na si Ms Gigi  nitong Linggo, Abril 22 pero hindi man lang niya nagawang lapitan ang aming patnugot para ihingi ng dispensa ang nasasakupang empleado.

Hindi ko maiwasang hindi ikompara ang GMA Artist Center sa Star Magic dahil kapag may reklamo sa kanila ay talagang pinatatawag sila ng head na si Mr. M (Johnny Manahan) o kaya ni Ms Mariole Alberto at inaalam ang buong pangyayari at saka aaksiyonan.

READ MORE:  Mala-sapin-sapin costume ni MJ sa Miss Universe, ‘di gawa ng Pinoy

Maarte at snobbish lang ang ibang handlers at road managers ng Star Magic pero hindi sila mga bastos o naniniko o nangtatabig ng tao.

FACT SHEET
ni Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved